“Daryo” internet-nashri Toshkent shahri hokimligi qoshidagi Jamoatchilik kengashi bilan birgalikda “Mahalla. Muammo. Mulohaza” loyihasini taqdim etib kelmoqda. Loyihaning 7-son mavzusi “Mahalla futboli” bo‘lib, dastur mehmoni sifatida sport jurnalisti va sharhlovchi Davron Fayziyev taklif etildi.
Davron Fayziyev dastur davomida bolalar futbolidagi muammolar haqida gapirib, so‘nggi yillarda soxta hujjatlar orqali sportchining yoshini kichraytirish holatlari kamayib qolganini ta’kidladi.
Ota-onalar bu harakati (farzandining yoshini kichraytirish — tahr.) bilan o‘z farzandining faoliyatini sindirib qo‘yishi mumkin. Chunki hozir texnologiyalar rivojlanib ketgan, necha yoshga kichraytirganini darhol aniqlashyapti.Masalan, bizning ba’zi bir iste’dodli futbolchilarimiz ham Yevropada mana shunday muammoga duch keldi va faoliyati barbod bo‘ldi.
O‘zimizda ham rahbariyatning topshirig‘i bilan qat’iy tekshiruvlar o‘tkazildi va bir necha holatlar fosh bo‘ldi. Ota-onalar bugungi natijani deb noqonuniy ish qiladi va shu kunning o‘zida farzandining kelajagiga nuqta qo‘yadi.
Lekin hozir tizim ancha tartibga kelib qolgan, — deydi sharhlovchi.
Ko‘rsatuvni to‘liq tarzda “Daryo”ning YouTube’dagi sahifasi orqali tomosha qilish mumkin.
Izoh (0)