Uzbekistan Airways’ning mahalliy va xalqaro yo‘nalishdagi qator reyslari kechiktirildi

Uzbekistan Airways’ning 22-noyabrdagi mahalliy va xalqaro yo‘nalishdagi qator reyslari noqulay ob-havo sharoiti tufayli kechiktirildi.

Aviakompaniya matbuot xizmatining ma’lum qilishicha,  HY-9616 Moskva—Urganch qatnovi Navoiy aeroportiga yo‘naltirildi. Ushbu yo‘nalishdagi qatnov belgilangan manzilga yetib borgan. HY-9615 Urganch—Moskva qatnovi o‘z yo‘nalishi bo‘yicha jo‘nab ketgan.

HY-081 Toshkent—Farg‘ona, HY-339 Farg‘ona—Dubay, HY-340 Dubay—Farg‘ona, HY-072/HY-071 Farg‘ona—Samarqand—Farg‘ona, HY-082 Farg‘ona—Toshkent qatnovlari, shuningdek, HY-053 Toshkent—Urganch, HY-279/HY-280 Urganch—Istanbul—Urganch va HY-054 Urganch—Toshkent, HY-074/HY-073 Buxoro—Namangan—Buxoro, HY-9626/HY-9625 Moskva—Nukus—Moskva va HY-9606 Moskva—Samarqand reyslari kechikib amalga oshiriladi.

Bundan tashqari, HY-745/HY-746 Toshkent—Tbilisi—Toshkent qatnovlari ham kechiktirilgan.

Aviakompaniya matbuot xizmati yo‘lovchilar xavfsizligi yuqori o‘rinda turishini eslatib, keltirilgan noqulayliklar uchun yo‘lovchilar va kutib oluvchilardan uzr so‘ragan.

Avvalroq Urganch xalqaro aeroporti tuman sababli uchta reysni qabul qila olmagani haqida xabar berilgan edi.