Yaponiya imperatori O‘zbekiston bosh vaziri o‘rinbosari — Turizm va madaniy meros vaziri Aziz Abduhakimovni oliy darajadagi orden bilan mukofotladi.
Vazirlik matbuot xizmatining xabar berishicha, 9-noyabr kuni Tokiodagi Imperator saroyida Aziz Abduhakimovga “Chiqayotgan quyosh katta kordon ordeni”ni topshirish marosimi bo‘lib o‘tdi. An’anaga ko‘ra, ordenni Yaponiya imperatori Naruxito bosh vazir Fumio Kishido ishtirokida topshirdi.
Aziz Abduhakimovning “Chiqayotgan quyosh katta kordon ordeni” bilan taqdirlanishi Yaponiya va O‘zbekiston o‘rtasidagi do‘stona munosabatlarni mustahkamlashga qo‘shgan ko‘p yillik hissasi e’tirof etilganini tasdiqlaydi.
Bu orden 1875-yildan beri berib kelinayotgan bo‘lib, Yaponiyadagi eng qadimgi va “Chiqayotgan Quyosh Ordeni”ning eng yuqori darajasi (6-daraja) hisoblanadi.
Izoh (0)