Hind okeanidagi chuqur suvosti vulqonlarida olib borilgan ilmiy ekspeditsiya chog‘ida germafrodit kaltakesak baliq va boshqa g‘aroyib dengiz jonzotlari aniqlandi. Bu haqda Buyuk Britaniyaning Viktoriya muzeyi ilmiy-tadqiqot instituti olimlari xabar berdi.
Tadqiqotchilar Avstraliyaning Kokos orollaridagi Milliy dengiz parki hududida suvosti qurilmalarini 11 ming km chuqurlikka tushirdi. U yerda terisi dildiroq va tishlari o‘tkir bo‘lgan ko‘r ilonbaliq topildi. Biologlar unga germafrodit kaltakesak baliq deb ta’rif berdi. Bundan tashqari, ekspeditsiya bosh ilmiy xodimi doktor Tim O’Xaraning so‘zlariga ko‘ra, boshqa noodatiy chuqur suvosti baliqlari ham aniqlangan.
Ekspeditsiya chog‘ida birinchi marta 467 kilometr kvadrat maydonni egallagan dengiz parkining baratfsil xaritasi tuzildi. U 2022-yil martida ochilgan bo‘lib, Avstraliyaning qo‘riqxonaga aylantirilgan 60 ta dengiz hududlari orasida eng yiriklaridan biridir. Olimlar Investigator tadqiqot kemasi bortida 35 kun davomida dengiz parki bo‘ylab sayohat qildi.
Suvosti vulqonlaridagi ajoyib jonzotlar orasida olimlar Tribute o‘rgimchak baliqni aniqladi, u mayda qisqichbaqalarni tutish uchun yog‘ochoyoqqa o‘xshagan orqa suzgichlariga tayanib turib oladi.
Izoh (0)