Ҳинд океанидаги чуқур сувости вулқонларида олиб борилган илмий экспедиция чоғида гермафродит калтакесак балиқ ва бошқа ғаройиб денгиз жонзотлари аниқланди. Бу ҳақда Буюк Британиянинг Виктория музейи илмий-тадқиқот институти олимлари хабар берди.
Тадқиқотчилар Австралиянинг Кокос оролларидаги Миллий денгиз парки ҳудудида сувости қурилмаларини 11 минг км чуқурликка туширди. У ерда териси дилдироқ ва тишлари ўткир бўлган кўр илонбалиқ топилди. Биологлар унга гермафродит калтакесак балиқ деб таъриф берди. Бундан ташқари, экспедиция бош илмий ходими доктор Тим O’Харанинг сўзларига кўра, бошқа ноодатий чуқур сувости балиқлари ҳам аниқланган.
Экспедиция чоғида биринчи марта 467 километр квадрат майдонни эгаллаган денгиз паркининг баратфсил харитаси тузилди. У 2022 йил мартида очилган бўлиб, Австралиянинг қўриқхонага айлантирилган 60 та денгиз ҳудудлари орасида энг йирикларидан биридир. Олимлар Investigator тадқиқот кемаси бортида 35 кун давомида денгиз парки бўйлаб саёҳат қилди.
Сувости вулқонларидаги ажойиб жонзотлар орасида олимлар Tribute ўргимчак балиқни аниқлади, у майда қисқичбақаларни тутиш учун ёғочоёққа ўхшаган орқа сузгичларига таяниб туриб олади.
Изоҳ (0)