Тошкент вилоятидаги парранда фабрикаси 35 млрд сўмга аукционга қўйилди

Тошкент вилояти, Зангиота туманидаги парранда фабрикаси кимошди савдосига қўйилди. Лот маълумотлари «Э-аускион» порталида эълон қилинган. 

Фабрика аукционга Давлат активларини бошқариш агентлигининг Тошкент вилоят ҳудудий бошқармаси томонидан жойлаштирилган. 

Бинонинг ер майдони 20 гектардан ошиқ. Унда сув, газ, электр энергияси таъминоти мавжуд, канализация тизими эса йўлга қўйилмаган. 

Лот изоҳида ёзилишича, бинони аукционда ютиб олган ғолибга паррандачилик фаолиятини сақлаб қолиш мажбурияти қўйилади.  

Аукционга қўйилган иншоотнинг бошланғич баҳоси — 35,2 млрд сўм. Аризалар 19 декабрь 09:00 га қадар қабул қилинади. Савдолар худди шу куни 10:00 да бошланади.

Мавзуга доир: 

• Kinder Fruits компаниясининг 100 фоиз давлат улуши аукционга қўйилди. Бошланғич баҳоси — 16,7 млрд сўм
• Тошкент шаҳридаги собиқ «Алгоритм» заводи бинолари қарийб 300 млрд сўмга аукционга қўйилди
• Тошкентдаги 11 хонали ҳовли 3 млрд сўмга аукционга қўйилди