“Katta yettilik” (G7) mamlakatlari BMT Xavfsizlik kengashini KXDR tomonidan amalga oshirilgan so‘nggi qit’alararo ballistik raketa sinoviga javoban “qat’iy choralar” ko‘rishga chaqirdi. Bu haqda Yevropa tashqi aloqalar xizmati saytida xabar berildi.
G7 mamlakatlari tashqi ishlar vazirlari qayd etishicha, Pxenyan tomonidan AQSHning qit’a qismigacha yetib borishga qodir ballistik raketa uchirilishi “o‘ylamay qilingan harakat” bo‘lgan va BMT rezolyutsiyasining “yana bir marta qo‘pol buzilishidir”.
“Shimoliy Koreya tomonidan 2022-yilda amalga oshirilgan ketma-ket ballistik raketalar sinovlari mintaqaviy va xalqaro tinchlik va xavfsizlikka nisbatan jiddiy xavf soladi”, — deyiladi bayonotda.
Xavfsizlik kengashi raketa sinovlarining so‘nggi ketma-ketligidan keyin AQSH so‘rovi bilan 21-noyabr kuni majlis o‘tkazib, KXDR siyosatini muhokama qilishi kutilmoqda.
18-noyabr kuni Shimoliy Koreya Hwasong qit’alararo ballistik raketasini uchirdi, u bir nechta jangovar kallaklarni tashishga qodir bo‘lib, 15 kilometrgacha masofadagi nishonlarni ura oladi, bu esa AQSHning qit’a qismidagi istalgan nuqtaga zarba berish uchun yetarlidir.
Izoh (0)