Суперлиганинг ноябрь ойидаги энг яхши футболчиси ва мураббийи аниқланди. Шунингдек, ойнинг энг чиройли голи маълум қилинди.
«Пахтакор» устози Максим Шацких ойнинг энг яхши мураббийи деб топилган. Ноябрда Шацких кўл остидаги жамоа учта ўйинда учта ғалаба қайд этиб, чемпионликни қўлга киритди. Бу ўйинларда «шерлар» ўз дарвозаси дахлсизлигини сақлаб қолган ҳолда рақибларига 10 та гол урган.
Шунингдек, ушбу совринга яна икки мутахассис даъвогарлик қилганди:
- Миржалол Қосимов («ОКМК») — 3 ўйин, 2 ғалаба, 1 мағлубият, тўплар нисбати 10:4;
- Самвел Бабаян («Навбаҳор») — 3 ўйин, 3 ғалаба, тўплар нисбати 6:1.
«Пахтакор» ҳужумчиси Драган Черан ойнинг энг яхши футболчиси деб эътироф этилди. Сербиялик футболчи учта ўйинда 5 та гол уришга эришди.
Черан қуйидаги футболчиларни ортда қолдирди:
- Мартин Боакье («ОКМК») — 3 ўйин, 4 гол
- Ўткир Юсупов («Навбаҳор») — 3 ўйин, 7 сейв, 2 қуруқ ўйин
- Хуршид Ғиёсов («ОКМК») — 3 ўйин, 1 гол, 3 ассист
- Зоран Марушич («Навбаҳор») — 3 ўйин, 3 гол.
«Бунёдкор» ярим ҳимоячиси Усмонали Раҳмоналиевнинг «Қўқон-1912» дарвозасига киритган тўпи Суперлигада ойнинг энг чиройли голи деб топилди.
Изоҳ (0)