Apple asoschisi va ixtirochi Stiv Jobs o‘zining muvaffaqiyatli karyerasini qurish uchun ishga sho‘ng‘ib ketganiga qaramay, hech qachon yolg‘iz yashamagan — u ko‘p bolali ota edi. Quyida uning uchta qizi va o‘g‘li nimaga erishganligi haqida ma’lumot beramiz.
Liza Brennan-Jobs
Stiv Jobsning birinchi farzandi va munosabatlarida qiyinchilik bo‘lgan qizi. Tadbirkor uzoq vaqt davomida qiz uniki emasligini rad etib, bepusht ekanligini va sobiq sevgilisi uning boyligiga ega chiqmoqchi ekanligini aytgan.
Keyinchalik Lizani o‘z qizi sifatida qabul qilgan Stiv Jobs tufayli qiz otasidan yaxshigina moliyaviy yordam oladi. Bir necha yil davomida Liza otasining uyida yashaydi, uning hisobidan Garvard universitetida o‘qiydi. Xuddi shu ta’lim muassasasida u jurnalistikaga qiziqib qoladi va shun kungacha mazkur sohada faoliyat olib boradi. Liza London Qirollik kollejida ham bir yil o‘qiydi.
Brennan-Jobs o‘zining yozuvchilik qobiliyatini yuzaga chiqara oldi: u o‘z hikoyalarini Vogue, Los Angeles Times, The Southwest Review, O: The Oprah Magazine kabi Amerikaning mashhur ommaviy axborot vositalarida nashr ettirgan.
2018-yilda Vanity Fair jurnali uning “Kichik baliq: Hayotim hikoyasi” deb nomlangan kitobidan parcha bergandan keyin Liza mashhur bo‘lib ketdi. Kitobda milliarderning qizi otasi bilan iliq munosabatlar o‘rnatish uchun qanday qiyinchiliklarga duch kelgani, uning oiladagi g‘alati xatti-harakatlari haqida hikoya qiladi.
Liza otasi bergan pullarni o‘zini rivojlantirish uchun mohirlik bilan ishlatgan, shuning uchun u nafaqat Stiv Jobsning qizi, balki yozuvchi va jurnalist sifatida ham tanilgan.
Bugungi kunda 44 yoshli Brennan-Jobs Bruklinda turmush o‘rtog‘i Bill va erining oldingi turmushidan bo‘lgan o‘g‘li va ikki qizi bilan yashaydi.
Rid Jobs
Apple asoschisining yagona o‘g‘li va farzandlari ichida uning eng sevimlisi bo‘lgan, Jobs buni boshqa bolalaridan yashirmagan ham hatto.
Stiv Jobs har doim qizlariga emas, balki o‘g‘liga yordam berishni afzal ko‘rgan, bu Ridning onkologiyaga qarshi kurash masalasini o‘rganish istagida aks etgan. Uning otasi oshqozon osti bezi saratonidan vafot etadi. Jobsga qattiq bog‘langan Rid otasining sog‘ayib ketishiga hissa qo‘shishni xohlardi, ammo ulgurmadi. Biroq bugungi kunda u saraton kasalligining oldini olish bo‘yicha tadqiqotlar bilan shug‘ullanadi.
Rid tibbiyot sohasiga o‘rta maktabdan qiziqa boshlagan, u hatto Stenford universitetidagi bitiruv nutqini onkologiya bo‘yicha qilgan. 2015-yildan keyin u Kaliforniya sog‘liqni saqlash tashkiloti Emerson Collectiveda ishlay boshlaydi. Rid hozirda u yerda saraton tadqiqotlari va davolash bo‘yicha direktor lavozimida ishlaydi.
Kichik Jobs rus murabbiyi Georgiy Pogosov rahbarligida tahsil olib, qilichbozlik bo‘yicha ham muvaffaqiyatga erishgan. U bu sohada professional darajada tanilmadi, garchi Pogosovning so‘zlariga ko‘ra, uning bunga imkoniyati bor edi.
2022-yilning fevralida 30 yoshli Rid Jobs tez orada lavozimini tark etishi kerak bo‘lgan Vakillar palatasi spikeri Nensi Pelosi o‘rniga nomzodini qo‘yishga qaror qilgani ma’lum bo‘ldi.
Shaxsiy hayoti haqida gapirishni xohlamaydigan Rid jurnalistlar bilan muloqot qilmaslikni afzal ko‘radi.
Erin Sienna Jobs
Stiv Jobsning uchinchi farzandi va ommaga yaxshi tanish bo‘lmagan qizi.
Bolaligidan ota-onasi tomonidan e’tibor va mehr ko‘rmagan Erin xuddi otasining yoshligidek odamovi va shaxsiy munosabatlarga qiziqmaydigan bo‘lib o‘sgan.
Oilaviy munosabatlardagi masofa va jamoatchilikdan uzoqroq turishi tufayli Erin haqida ma’lumotlar juda kam. Akasi singari u ham Stenford universitetini tamomlagan, o‘qish davrida arxitektura va dizaynga qiziqib qolgan. U hali ham bu sohalarga qiziqadi.
Erin ijtimoiy tarmoqlarda faol emas. Ammo uning akkaunti saqlanib qolgan, shundan ma’lum bo‘lishicha, hozirda 27 yoshli qiz Nyu-Orleanda yashaydi.
Yeva Jobs
Yeva Jobs — milliarderning bugungi kunda mashhurlikda katta qizi Lizani ortda qoldiradigan kenja qizi.
Oilaning boshqa a’zolari singari Yeva ham Stenford universitetida tahsil olgan, ammo o‘qishi va noodatiy hayoti uni hech qachon hayratda qoldirmagan. Qiz ot sportida o‘zini sinab ko‘rishga qaror qilishi bilanoq o‘zining fe’l-atvorini ko‘rsatadi. Aytgancha, bu sohada u katta muvaffaqiyatlarga erishgan: 2017-yilda Yeva “Oyning eng yaxshi chavandozi” nominatsiyasida g‘olib bo‘ladi. Uning onasi Loren hatto Yevaga mashq qilish uchun rancho sotib olgan.
Aka-opalaridan farqli o‘laroq, Yeva nafaqat hayotda, balki internetda ham juda faol. Uning ijtimoiy tarmoqlarda 200 000 dan ortiq obunachisi bor.
Modellik Yeva Jobs uchun o‘zini o‘zi anglash sohasiga aylandi. 23 yil davomida u ko‘plab muvaffaqiyatli shou va tadbirlarda ishtirok etdi. Fransiyaning Coperni moda brendining moda ko‘rgazmasidagi debyuti, Louis Vuitton ayollar kiyimlari namoyishi, Glossier go‘zallik brendining bayram aksiyasida ishtirok etish shular jumlasidan.
Yaqinda Yeva DNA Model Management nomli modellashtirish agentligi bilan shartnoma imzoladi, bu uning kelajagi professional qo‘llarda ekanligini anglatadi. Axir, kompaniya Yeva Gersigova, Natalya Vodyanova, Linda Yevangelista, Anya Rubik kabi mashhurlarni dunyoga tanitgan.
Bir paytlar Stiv Jobs hazillashibmi yoki yo‘qmi, kenja qiziga alohida umid bog‘lab, u qachondir Apple’ni boshqarishini aytgandi.
Mavzuga doir:
Izoh (0)