Kuz boshlangandan keyin ko‘pchilikda sababsiz charchoq hissi kuzatiladi. Kundalik faoliyat va ish uchun energiya yetmaydi. Quvvatni tiklash uchun nima qilish kerak? Marie Claire nashri doimiy charchoq bilan qanday kurashish kerakligini ma’lum qildi.
Organizmga kuchni qanday qaytarish kerakligi haqidagi savolga javob berish uchun, avvalambor, bu kuch qayerga ketganini aniqlash kerak. Ya’ni oqibat bilan emas, balki sabab bilan kurashish lozim. Buning uchun shifokor ko‘rigidan o‘tish muhim.
Aytgancha, jismoniy faollikning kamligi, parfyumeriya, tutun va boshqa hidlarga yuqori sezuvchanlik kabi aniq bo‘lmagan alomatlar ham doimiy charchoqdan darak beradi; mushaklardagi muntazam og‘riqlar, bo‘g‘im yoki mushaklardagi zaiflik, konsentratsiya va xotira bilan bog‘liq muammolar, tushkun kayfiyatda qolish ham holsizlik bilan birga kuzatiladi.
Mutaxassis tavsiya qiladi:
To‘liq qon tahlili + leykotsitlar formulasi. Bu hali aniq belgilar bilan belgilanmagan, ammo umumiy holatga ta’sir qiladigan ba’zi kasalliklarni aniqlashga yordam beradi.
TSH, T4sv, T3sv, AT-TPO qalqonsimon bezning ishlashida ma’lum buzilishlarni ko‘rsatadi, ularning noto‘g‘ri ishlashi darhol salomatlik holatiga ta’sir qiladi. Ko‘pincha bunday bemorlarda befarqlik, zaiflik, yig‘lash, hayotga qiziqishning yo‘qolishi va energiya yetishmasligi kuzatiladi. Shuningdek, prolaktin va kortizol gormoni bilan bog‘liq muammolar ham ko‘pincha doimiy stressda bo‘lishni ko‘rsatadi, bu sog‘liqqa ta’sir ko‘rsatadi va bir qator patologiyalarning, shu jumladan endokrin bez kasalliklarining sababidir.
Shuningdek, organizmda ovqatlanishdagi xatolar tufayli oddiygina energiya yetishmasligi mumkin, bu esa gemoglobin va ferritinni ko‘rsatadi. Aytgancha, qizil qon tanachalari kamayishi ham anemiya, vitamin va minerallarning yetishmasligi belgisi bo‘lishi mumkin.
D vitamini (25 OH) darajasini tekshirishni unutmaslik lozim: u oziq-ovqatni energiyaga aylantirish uchun muhimdir. Agar quvvat yetishmasa, charchoq yengib chiqadi, ehtimol bu vitamin tanqisligi foydali oziq moddalarning so‘rilishiga xalaqit berishi ham mumkin.
Doimiy charchoq hissidan qanday qutulish mumkin?
Tahlil natijalariga ko‘ra, shifokor kerakli ko‘rsatmalar beradi. Chunki faqat shifokor laboratoriya ma’lumotlarini to‘g‘ri talqin qilishi mumkin. Ammo ma’lum bir bemorning sog‘lig‘i qanday bo‘lishidan qat’i nazar, organizm holatini yaxshilash bo‘yicha umumiy tavsiyalar mavjud:
Kamchiliklarni bartaraf etish nafaqat ma’lum vitamin va qo‘shimchalarni qabul qilish, balki ratsionni to‘g‘ri tuzish bilan ham bog‘liq. To‘g‘ri ovqatlanish va kaloriyalar yetarlicha yuqori bo‘lishi kerak, shunda energiya sarfini hisobga olgan holda kuchga ega bo‘lish mumkin. Kuniga 600 kkal vazn yo‘qotishga harakat qilib, yana tetiklikni kutish ahmoqlikdir.
Sirkadik ritm rejimiga ko‘ra 22:30-23:00 da uxlab, ertalab 6:00-7:00 da uyg‘onish kerak. To‘liq qorong‘i xonada uxlash lozim. Uyquning yetishmasligi charchatadi, kognitiv funksiyani pasaytiradi va undan ham ko‘proq energiya oladi, shuning uchun hushyor va energiya bilan to‘la uyg‘onish uchun uyquni yaxshilash juda muhim.
Jismoniy faollik quruq so‘zlar emas. Sport zaliga borish, raqsga tushish, suzish, yugurish bilan shug‘ullanish lozim. Agar jismoniy mashqlar qilishga imkon bo‘lmasa, shunchaki piyoda yurish mumkin — bu nafaqat qulay va fiziologik faoliyat usuli, balki stressga qarshi kurashda yordamchi hamdir. Aytgancha, yotishdan oldin yurish tez uxlab qolish uchun foydali. Shunga ko‘ra, ertalab ko‘proq energiya va kuchga ega bo‘lish mumkin.
Efir moylari tabiiy energiya manbaidir. Efir moylarining ta’siri ko‘p darajali bo‘lib, ular organizmdagi biokimyoviy, shuningdek, fiziologik jarayonlarga ta’sir qiladi. Limon yog‘i kayfiyatni yaxshilaydi, ijodiy energiyani uyg‘otadi va kuchli faoliyat bilan rag‘batlantiradi. Verbena yog‘i bir vaqtning o‘zida faollashtiruvchi va barqarorlashtiruvchi ta’sirga ega.
Izoh (0)