Куз бошлангандан кейин кўпчиликда сабабсиз чарчоқ ҳисси кузатилади. Кундалик фаолият ва иш учун энергия етмайди. Қувватни тиклаш учун нима қилиш керак? Marie Claire нашри доимий чарчоқ билан қандай курашиш кераклигини маълум қилди.
Организмга кучни қандай қайтариш кераклиги ҳақидаги саволга жавоб бериш учун, авваламбор, бу куч қаерга кетганини аниқлаш керак. Яъни оқибат билан эмас, балки сабаб билан курашиш лозим. Бунинг учун шифокор кўригидан ўтиш муҳим.
Айтганча, жисмоний фаолликнинг камлиги, парфюмерия, тутун ва бошқа ҳидларга юқори сезувчанлик каби аниқ бўлмаган аломатлар ҳам доимий чарчоқдан дарак беради; мушаклардаги мунтазам оғриқлар, бўғим ёки мушаклардаги заифлик, концентрация ва хотира билан боғлиқ муаммолар, тушкун кайфиятда қолиш ҳам ҳолсизлик билан бирга кузатилади.
Мутахассис тавсия қилади:
Тўлиқ қон таҳлили + лейкоцитлар формуласи. Бу ҳали аниқ белгилар билан белгиланмаган, аммо умумий ҳолатга таъсир қиладиган баъзи касалликларни аниқлашга ёрдам беради.
TSH, T4sv, T3sv, AT-TPO қалқонсимон безнинг ишлашида маълум бузилишларни кўрсатади, уларнинг нотўғри ишлаши дарҳол саломатлик ҳолатига таъсир қилади. Кўпинча бундай беморларда бефарқлик, заифлик, йиғлаш, ҳаётга қизиқишнинг йўқолиши ва энергия етишмаслиги кузатилади. Шунингдек, пролактин ва кортизол гормони билан боғлиқ муаммолар ҳам кўпинча доимий стрессда бўлишни кўрсатади, бу соғлиққа таъсир кўрсатади ва бир қатор патологияларнинг, шу жумладан эндокрин без касалликларининг сабабидир.
Шунингдек, организмда овқатланишдаги хатолар туфайли оддийгина энергия етишмаслиги мумкин, бу эса гемоглобин ва ферритинни кўрсатади. Айтганча, қизил қон таначалари камайиши ҳам анемия, витамин ва минералларнинг етишмаслиги белгиси бўлиши мумкин.
Д витамини (25 OH) даражасини текширишни унутмаслик лозим: у озиқ-овқатни энергияга айлантириш учун муҳимдир. Агар қувват етишмаса, чарчоқ енгиб чиқади, эҳтимол бу витамин танқислиги фойдали озиқ моддаларнинг сўрилишига халақит бериши ҳам мумкин.
Доимий чарчоқ ҳиссидан қандай қутулиш мумкин?
Таҳлил натижаларига кўра, шифокор керакли кўрсатмалар беради. Чунки фақат шифокор лаборатория маълумотларини тўғри талқин қилиши мумкин. Аммо маълум бир беморнинг соғлиғи қандай бўлишидан қатъи назар, организм ҳолатини яхшилаш бўйича умумий тавсиялар мавжуд:
Камчиликларни бартараф этиш нафақат маълум витамин ва қўшимчаларни қабул қилиш, балки рационни тўғри тузиш билан ҳам боғлиқ. Тўғри овқатланиш ва калориялар етарлича юқори бўлиши керак, шунда энергия сарфини ҳисобга олган ҳолда кучга эга бўлиш мумкин. Кунига 600 ккал вазн йўқотишга ҳаракат қилиб, яна тетикликни кутиш аҳмоқликдир.
Сиркадик ритм режимига кўра 22:30-23:00 да ухлаб, эрталаб 6:00-7:00 да уйғониш керак. Тўлиқ қоронғи хонада ухлаш лозим. Уйқунинг етишмаслиги чарчатади, когнитив функцияни пасайтиради ва ундан ҳам кўпроқ энергия олади, шунинг учун ҳушёр ва энергия билан тўла уйғониш учун уйқуни яхшилаш жуда муҳим.
Жисмоний фаоллик қуруқ сўзлар эмас. Спорт залига бориш, рақсга тушиш, сузиш, югуриш билан шуғулланиш лозим. Агар жисмоний машқлар қилишга имкон бўлмаса, шунчаки пиёда юриш мумкин — бу нафақат қулай ва физиологик фаолият усули, балки стрессга қарши курашда ёрдамчи ҳамдир. Айтганча, ётишдан олдин юриш тез ухлаб қолиш учун фойдали. Шунга кўра, эрталаб кўпроқ энергия ва кучга эга бўлиш мумкин.
Эфир мойлари табиий энергия манбаидир. Эфир мойларининг таъсири кўп даражали бўлиб, улар организмдаги биокимёвий, шунингдек, физиологик жараёнларга таъсир қилади. Лимон ёғи кайфиятни яхшилайди, ижодий энергияни уйғотади ва кучли фаолият билан рағбатлантиради. Вербена ёғи бир вақтнинг ўзида фаоллаштирувчи ва барқарорлаштирувчи таъсирга эга.
Изоҳ (0)