Sovuq ob-havoda organizm yozga qaraganda ko‘proq isinishga muhtoj, shuning uchun tez-tez ovqatlanish istagi paydo bo‘ladi. Isinish va shu bilan birga ortiqcha vazn paydo bo‘lmasligi uchun nima qilish kerak? Marie Claire nashri quyida foydali tavsiyalari bilan bo‘lishdi.
Sut mahsulotlarini iste’mol qilish
Gap shundaki, yogurt, pishloq va sutni o‘z ichiga olgan har qanday boshqa mahsulotlar organizmda yog‘ eritish vazifasini bajaradi. Hammasi kalsiy, fosfor va magniy haqida — bu minerallarning uchligi, ayniqsa, bel sohasidagi ortiqcha yog‘ to‘qimalarining parchalanishini tezlashtiradi. Yuqoridagilarga qo‘shimcha ravishda, organizm nafaqat ochlikni qondirish, balki uni nazorat qilish uchun yetarli miqdorda oqsil oladi. Biroq pishloqning haddan tashqari ko‘p iste’moli katta o‘zgarishlarga olib kelishi mumkin: u ko‘p miqdorda tuz va yog‘larni o‘z ichiga oladi, bu esa vaznga ta’sir qilishi mumkin.
Aromaterapiya
Ushbu amaliyotga ham oqilona yondashish kerak. Aromaterapiya kechqurun ishtahani tinchlantirishning ajoyib usuli hisoblanadi. Tasavvur qiling-a, vanil, dolchin, shokolad, sitrus, yasmin, lavanda shirin va achchiq hidlari ajoyib kayfiyat, xotirjamlik, qulaylik tuyg‘usiga hissa qo‘shadi, shuningdek ishtahani bo‘g‘adi. Oddiy qilib aytganda, miya butun organizmga faqat hidlar tufayli to‘yinish buyrug‘ini beradi. So‘nggi tadqiqotlarga ko‘ra, yalpiz hidi ortiqcha vaznga qarshi kurashda samarali deb tan olingan. Boshqa narsalar qatorida, aromaterapiya stressni yengillashtiradigan haqiqiy vositadir.
Suv ichish
Suvsizlanish nimalarga tahdid solishi ko‘pchilikka ma’lum: bosh og‘rig‘i, umumiy zaiflik, teri qarishi va metabolizmning sekinlashuvi. Kuniga zarur bo‘lgan ikki litr suvdan tashqari, mutaxassislar ratsionni suvning kerakli miqdorini o‘z ichiga olgan sabzavot va mevalar bilan to‘ldirishni maslahat beradi. Umuman olganda, deyarli barcha sabzavot va mevalar antioksidantlar va suvga boy bo‘lib, ular qon aylanishini buzmasdan va shish paydo qilmasdan tana hujayralariga osongina kirib boradi. Ulardan ba’zilari juda ham foydalidir. Masalan, bodring va tarvuz (95 foiz), pomidor (95 foiz), baqlajon (92 foiz), shaftoli (87 foiz), sabzi (88 foiz) suvni o‘z ichiga oladi.
Zig‘ir unidan foydalanish
Zig‘ir unining o‘ziga xos mazali narsa ekanligidan tashqari, u foydali ham. Zig‘ir uni nafaqat qishda kerak, balki inson organizmi uchun zarur bo‘lgan deyarli barcha moddalarning manbai bo‘lib, omega-3 va omega-6 yog‘ kislotalari, B guruhi vitaminlari, kaliy, magniy, rux va antioksidantlar — bularning barchasi immunitet, asab tizimi, miya funksiyasini mustahkamlashga yordam beradi.
Ishtahani nazorat qilish
Qaysi mahsulotlar ishtahani ochishi mumkinligini va qaysi biri, aksincha, uni bo‘g‘ishini aniqlashga harakat qilish lozim. O‘z-o‘zidan vaznga xavf tug‘dirmaydigan olma birinchi guruhga oid ekani uzoq vaqtdan beri ma’lum bo‘lib, xuddi shu narsa sitrus mevalariga ham tegishli, shuning uchun ushbu mahsulotlarga juda ehtiyot bo‘lish kerak. Bundan tashqari, har qanday shirinlik, kolbasa, non va ko‘p yog‘li har qanday qovurilgan ovqatlar vaznga o‘z ta’sirini o‘tkazadi. Muammo shundaki, bu taomlarning barchasi bir vaqtning o‘zida juda ko‘p tuz, shakar va yog‘ni o‘z ichiga oladi.
Vaqtida ovqatlanish
Parezshunoslarning oz miqdorda, lekin kuniga kamida to‘rt-besh marta ovqatlanishga odatlanish bo‘yicha qat’iy tavsiyalariga qaramay, bu parhez hamma uchun mos emas. Bundan tashqari, qarama-qarshi sabablarga ko‘ra: ba’zilar uchun bunday tez-tez ovqatlanish ishtahani kamaytiradi, boshqalar uchun ular, aksincha, ko‘p ovqatlanishga majbur qiladi, organizmning shunchaki och qolishga vaqti yo‘q. Bularning hech birini norma deb hisoblash mumkin emas.
Umuman olganda, eng maqbuli kuniga uch marta ovqatlanishdir: nonushta, tushlik va kechki ovqat. Lekin unutmangki, uchta taomning har biri to‘liq bo‘lishi kerak, lekin ortiqcha emas. Ya’ni kuniga uch marta ovqatlanishni afzal ko‘radiganlar bir nechta oddiy qoidalarni hisobga olishi kerak bo‘ladi. Masalan, qorong‘i tushmasdan oldin kechki ovqatni iste’mol qilish kerak va har bir taom bir vaqtda tanovul qilinishi lozim. Kunduzgi vaqtda ovqatlanish ham oddiy sababga ko‘ra zarur: olimlar aniqlaganidek, tartibsiz va kech ovqatlanish uyqu va uyg‘onishni boshqaradigan melatonin gormonini buzadi. Shuning uchun ham hatto ortiqcha ovqatlanmasdan va jismoniy faollikni kamaytirmasdan, bir necha kilogrammga semirish uchun barcha imkoniyatlar mavjud.
Izoh (0)