AQSH sobiq vitse-prezidenti Mayk Pens CNN telekanali efirida sobiq prezident Donald Tramp 2024-yilgi saylovlarda davlat rahbari lavozimi uchun eng yaxshi nomzod emasligini aytdi.
Pensning fikricha, amerikaliklarda Trampdan ko‘ra yaxshiroq variantlar bo‘ladi va ulardan biri esa uning o‘zi bo‘lishi mumkin. “Sizni xabardor qilib turaman”, — deya va’da berdi sobiq vitse-prezident.
“Bu mamlakatda yangi rahbariyat uchun vaqt keldi, deb o‘ylayman, toki u bizni eng oliy ideallarimiz atrofida birlashtirsin”, — dedi u.
Pens Trampning prezidentligi davrida, 2017—2021-yillarda vitse-prezident bo‘lgan. O‘tgan yilning 20-yanvarida amaldagi davlat rahbari Jo Bayden lavozimiga kirishganidan keyin u o‘z vakolatini bo‘ynidan soqit qilgan edi. Yangi vitse-prezident esa Kamala Xarris bo‘ldi.
15-noyabr kuni Tramp 2024-yilgi prezident sayloviga o‘z nomzodini qo‘yganini e’lon qildi. Shuningdek, u agar AQSH prezidenti bo‘lsa, saylov tizimini isloh qilishga va’da berdi.
Tramp 2017—2020-yillarda AQSH prezidenti bo‘lgan. 2020-yil yanvarida u amaldagi prezident Jo Baydenga lavozimini bo‘shatib bergan. Tramp o‘z mag‘lubiyatini tan olmagan va saylov natijalarini sud orqali bekor qilmoqchi bo‘lgan. Biroq AQSH Oliy sudi sobiq prezidentning ovoz berish yakunlarini qayta ko‘rib chiqish haqidagi da’vosini rad etgan.
Bayden oktabr boshida 2024-yilgi prezident saylovida Trampni yana mag‘lub etishiga ishonishini aytgandi. Shu bilan birga, amaldagi davlat rahbari saylovda qatnashish haqida qaror qabul qilganicha yo‘q, biroq buni Kongressga saylovlardan keyin hal qilishini aytgan.
Izoh (0)