19-noyabrda muddati tugagach, Rossiya don shartnomasini uzaytirishga rozi bo‘lishi mumkin. Bu haqda Bloomberg agentligi vaziyatdan xabardor to‘rt kishiga tayanib xabar bermoqda.
Agentlik suhbatdoshlari Rossiya kelishuv muddatini uzaytirish yoki boshqa tafsilotlar evaziga o‘zi uchun qulay bo‘lgan yangi shartlarni izlaydimi yoki yo‘qligini aniqlamagan.
Istanbuldagi Qo‘shma markaz vakili Bloomberg’ga ma’lum qilishicha, bu bosqichda tasdiqlaydigan yoki e’lon qiladigan hech narsa yo‘q.
22-iyul kuni Rossiya, Ukraina, Turkiya va BMT o‘rtasida g‘alla bo‘yicha kelishuv imzolangan edi.
Uning muddati 19-noyabrda tugaydi, lekin tomonlardan hech biri uni bekor qilmasa, shartnoma avtomatik ravishda 120 kunga uzaytiriladi. Barcha tomonlar kelishuvni uzaytirishdan manfaatdor.
Rossiya uchun kelishuvni uzaytirishning muhim sharti Yevropa portlarida bloklangan rus o‘g‘itlariga nisbatan sanksiyalarni bekor qilishdir.
Mavzuga doir:
Izoh (0)