Turkiya energetika va tabiiy resurslar vaziri Fotih Do‘nmez 2023-yil boshida Rossiya gazini Yevropaga yetkazib berish bo‘yicha markaz yaratish uchun ilk qadamlar qo‘yilishi mumkinligini aytdi. Bu haqda “Kommersant” xabar bermoqda.
Fotih Do‘nmezning aytishicha, Turkiya allaqachon bunday yonilg‘i yetkazib berish bo‘yicha birinchi so‘rovlarni olgan.
Ko‘plab qo‘shni Yevropa davlatlari gaz sotib olish uchun bizga murojaat qilmoqda. Umid qilamanki, kelgusi yil boshidan gaz markazini yaratish yo‘lida ilk qadamlarni qo‘yamiz, — deydi vazir.
Oktabr oyida Turkiya prezidenti Rajab Toyyib Erdo‘g‘on mamlakati gaz ta’minoti markaziga aylanishini aytib o‘tgan edi. Uning so‘zlariga ko‘ra, bu borada Rossiya prezidenti bilan kelishib olingan.
25-oktabr kuni Turkiya tomoni allaqachon o‘z zimmasiga olgan ishni bajarishga kirishganini ma’lum qildi.
Mavzuga doir: Tarixdagi eng qiyin vazifa: Rossiya Yevropa Ittifoqini o‘z gazini sotib olishga majburlash yo‘lini qidirmoqda
Izoh (0)