Atom energiyasi bo‘yicha xalqaro agentlik (MAGATE) Ukrainaning Chernobil atom elektr stansiyasiga, shuningdek, mamlakatda ishlayotgan Xmelnitskiy, Roven va Janubiy-Ukraina AESlariga yadro xavfsizligi bo‘yicha missiyalar yuboradi.
“Butun dunyo Zaporojye AESdagi yadro xavfsizligi bilan bog‘liq beqaror vaziyatga e’tibor qaratayotgan bir paytda, urush holatidagi mamlakatda joylashgan boshqa yadroviy obyektlarni ham unutmaslik kerak”, — deya tushuntirdi tashkilot rahbari Rafael Grossi.
Uning so‘zlariga ko‘ra, fevral oyi oxirida MAGATE missiyasi uchinchi marta Chernobilga tashrif buyuradi. AESlarga tashrif dastlab bir hafta davom etadi, zaruratga qarab bu muddat cho‘zilishi mumkin.
Grossining ta’kidlashicha, so‘nggi paytlarda Zaporojye AES yaqinidagi vaziyat nisbatan tinch, obyektni o‘qqa tutish soni kamaygan.
“Biroq, bizning tajribamiz shuni ko‘rsatadiki, vaziyat har qanday vaqtda o‘zgarishi va birdaniga xavfli tus olishi mumkin”, — dedi Grossi.
Uning qayd etishicha, kelishuvga erishish va imkon qadar tezroq Zaporojye AES atrofida yadroviy xavfsizlik zonasini yaratish juda zarur.
Izoh (0)