Атом энергияси бўйича халқаро агентлик (МАГАТЭ) Украинанинг Чернобил атом электр станциясига, шунингдек, мамлакатда ишлаётган Хмелницкий, Ровен ва Жанубий-Украина АЭСларига ядро хавфсизлиги бўйича миссиялар юборади.
«Бутун дунё Запорожье АЭСдаги ядро хавфсизлиги билан боғлиқ беқарор вазиятга эътибор қаратаётган бир пайтда, уруш ҳолатидаги мамлакатда жойлашган бошқа ядровий объектларни ҳам унутмаслик керак», — дея тушунтирди ташкилот раҳбари Рафаэл Grossи.
Унинг сўзларига кўра, февраль ойи охирида МАГАТЭ миссияси учинчи марта Чернобилга ташриф буюради. АЭСларга ташриф дастлаб бир ҳафта давом этади, заруратга қараб бу муддат чўзилиши мумкин.
Grossининг таъкидлашича, сўнгги пайтларда Запорожье АЭС яқинидаги вазият нисбатан тинч, объектни ўққа тутиш сони камайган.
«Бироқ, бизнинг тажрибамиз шуни кўрсатадики, вазият ҳар қандай вақтда ўзгариши ва бирданига хавфли тус олиши мумкин», — деди Grossи.
Унинг қайд этишича, келишувга эришиш ва имкон қадар тезроқ Запорожье АЭС атрофида ядровий хавфсизлик зонасини яратиш жуда зарур.
Изоҳ (0)