Buxoroda reja asosida qo‘llanadigan elektr energiyasini cheklash grafigi ijtimoiy tarmoqlarda tarqalib, turli muhokamalarga sabab bo‘ldi. Unda yoqilg‘i va quvvat tanqisligi yuzaga kelganda qo‘llanadigan navbatma-navbat cheklovlar aks etgan. “Buxoro hududiy elektr tarmoqlari korxonasi” bunga izoh berdi.
Qayd etilishicha, elektr energiyasini ishlab chiqarish va uni iste’mol qilish bir vaqtga to‘g‘ri keladi. Shuning uchun elektr energiyasi zaxirasini yaratish imkonsiz. Shu sababli energotizimda yoqilg‘i va quvvat tanqisligi yuzaga kelgan vaqtlarda elektr energiyasi balansini ta’minlash hamda energetika tizimida og‘ir oqibatli yirik favqulodda avariyali holatlar yuzaga kelishining oldini olish maqsadida hududlarda ehtimoliy cheklov grafiklari shakllantirilgan.
“Ta’kidlash joizki, bunday cheklov grafiklariga faqatgina zaruriy hollarda, tizimda quvvat tanqisligi kuzatilgan vaqtlardagina amal qilinadi. Tizim me’yoriy holatga kelgan vaqtlarda cheklov grafigi qo‘llanmaydi va elektr energiyasini uzluksiz ravishda yetkazib berilishi ta’minlanadi”, — deyiladi xabarda.
“Buxoro hududiy elektr tarmoqlari korxonasi” elektr energiyasi iste’molchilaridan ushbu vaziyatni to‘g‘ri tushunishga va tarmoqlarda yuzaga kelishi mumkin bo‘lgan yirik avariyalarni oldini olish hamda energiya resurslari barqarorligini ta’minlash maqsadida imkon qadar ushbu resurslardan oqilona, tejamkorlik bilan foydalanishga chaqirdi.
Mavzuga doir:
- O‘zbekiston energotizimida og‘ir oqibatli “avariya” – blekaut xavfi borligi ma’lum qilindi
- “Har kuni elektr energiyasini tejash kunini nishonlayapmiz”. Namanganliklar Energetika vazirligidan hafsalasi pir bo‘lganini aytmoqda (video)
- “Simyog‘ochlar qulab tushib, tok urish xavfi bor, yo‘llar abgor”. Andijonning Buloqboshi tumanida yashovchi aholi muammolar girdobida yashamoqda
Izoh (0)