Kurdiston ishchilar partiyasi (Turkiyada terrorchi tashkilot deb topilgan) Istanbulda olti kishining o‘limi va 80 kishining jarohatlanishiga sabab bo‘lgan hujumga aloqadorligini rad etdi, deb xabar beradi “RBK”.
“Tinch aholiga hech qanaqasiga hujum qilishimiz mumkin emas”, — deyiladi bayonotda.
Istanbulning Beyog‘lu tumani, Istiqlol ko‘chasida 13-noyabr, yakshanba kuni kuchli portlash sodir bo‘ldi. Bu ko‘cha piyodalar uchun mo‘ljallangan bo‘lib, sayyohlar uchun eng mashhur joylardan biri sanaladi.U yerda Rossiya Bosh konsulligi ham joylashgan. Portlashdan keyin ko‘cha butunlay to‘sib qo‘yilgan.
Istanbul Bosh prokuraturasi voqeani terakt sifatida baholadi. Sabah gazetasining politsiyaga tayanib xabar berishicha, portlashni 1999-yilda tug‘ilgan Suriya fuqarosi Ahlam Albashir amalga oshirgan, agentlik ma’lumotlariga ko‘ra, u so‘roq paytida Kurdiston ishchilar partiyasi bilan aloqadorligini tan olgan.
Voqea munosabati bilan bir qator davlatlar qatorida O‘zbekiston ham Turkiyaga hamdardlik bildirdi. Shu bilan birga, Anqara Vashingtonning hamdardligini qabul qilmadi.
Izoh (0)