Moskva Kanadaning 100 nafar fuqarosiga nisbatan sanksiyalar kiritib, ularning Rossiyaga kirishini taqiqladi, deya xabar qiladi “RIA Novosti” mamlakat Tashqi ishlar vazirligiga tayanib.
Ta’kidlashicha, sanksiyalar “Kanada bosh vaziri Jastin Tryudo rejimi tomonidan Rossiya rahbariyati, siyosatchilar va parlament a’zolari, biznes vakillari, ekspertlar va jurnalistlar, madaniyat arboblari, shuningdek, har qanday shaxsga nisbatan joriy etilgan sanksiyalar amaliyotiga javoban kiritilmoqda”.
100 nafar Kanada fuqarosi uchun Rossiyaga kirish taqiqlandi. Ular orasida yuqori martabali amaldorlar, ishbilarmonlar, banderizm tarafdori bo‘lgan ko‘plab tashkilotlar faollari, Rossiyaga qarshi faol targ‘ibotchi bo‘lgan ommaviy axborot vositalari va moliyaviy tuzilmalar ham bor, — deyiladi vazirlik bayonotida.Vazirlik, shuningdek, 100 kishilik ro‘yxatni e’lon qildi, ularga aloqador shaxslar doimiy ravishda Rossiya “stop ro‘yxati”ga kiritilgan. Ular orasida Kanada aloqa xavfsizligi boshqarmasi rahbari Karolin Ksavyer, Kanada Vazirlar Mahkamasi va Jamoatlar palatasi a’zosi Piter Makkey, Ukraina millatchilari yetakchisi Stepan Banderaning nabirasi, jurnalist Stefan Bandera, taniqli aktyor Jim Kerri va Kanadaning boshqa fuqarolari bor.
Aktyor va komik Jim Kerri Ukrainadagi urushning dastlabki kunlarida o‘z Twitter sahifasi orqali Rossiya prezidenti Vladimir Putinga ishora qilib, “ulkan siyosiy ahmoqliklardan yuragi siqilayotganini” aytgan edi.
Izoh (0)