Украина молия вазири Сергей Марченко Киев ноябрь ва декабрь ойларида хорижий ҳамкорлардан 7,8 миллиард доллар олишни кутаётганини билдирди, деб ёзади «РИА Новости».
«Ноябрда қарийб 4,8 миллиард доллар кутмоқдамиз, декабрда эса ташқаридан молиялаштириш тахминан 3 миллиард долларни ташкил этади», — дейди Марченко.
Унинг сўзларига кўра, сентябрь ва октябрь ойларида молиялаштиришнинг бундай даражаси ҳақида гапирилганида, вазият анча ижобий томонга ривожланган бўларди, аммо ҳозир вазият «бироз мураккаброқ», чунки ноябрь ва декабрь ойларида харажатлар энг юқори нуқтасига чиқади. Вазирнинг қайд этишича, Украина ҳукумати ноябрь ва декабрь ойларини оғриқсиз ўтказиш ва барча зарур харажатларни қоплаш учун «барча имкониятларни» қидирмоқда.
Аввалроқ Марченко 2023 йилда давлат бюджети тақчиллигини камайтириш учун 38 миллиард долларга баҳоланган давлатга қўшимча ташқи молиялаштириш зарурлиги ҳақида айтган эди.
Изоҳ (0)