Rossiyaliklarning prezident Vladimir Putinga nisbatan ishonch darajasi so‘nggi bir hafta ichida 0,6 foizga pasayib, 79,5 foizni tashkil etdi, deb yozadi “TASS” Butunrossiya jamoatchilik fikrini o‘rganish markazi ma’lumotlariga tayanib.
Olib borilgan tadqiqotlarga ko‘ra, rossiyaliklarning 79,5 foizi Putinga nisbatan o‘z ishonchini bildirgan, 16,7 foizi esa undan norozi.
So‘rovnomada qatnashgan fuqarolarning 75,8 foizi prezidentning faoliyatini ma’qullaydi, 14,5 foizi esa, aksincha, ma’qullamaydi.
Shuningdek, Rossiya hukumati faoliyatini so‘ralganlarning 50,6 foizi ma’qullagan. Hukumat raisi Mixail Mishustinning faoliyatini ma’qullovchilar esa 52,8 foizni tashkil qilgan. Mishustinga nisbatan 62,3 foiz respondent ishonch bildirgan.
So‘rov 18 yoshdan oshgan rossiyaliklar orasida telefon orqali tasodifiy tanlov asosida 31-oktabrdan 6-noyabrga qadar o‘tkazilgan, unda 1,6 ming kishi qatnashgan.
Izoh (0)