Shveysariyaning Sankt-Gallen shahridagi zavod ishchisi eritilgan alyuminiy idishga tushib ketdi, biroq omon qoldi, deb xabar beradi “RIA Novosti”.
Aniqlanishicha, 25 yoshli elektrotexnik harorati 720 daraja Selsiy bo‘lgan erigan alyuminiy idishga tizzasigacha tushib ketgan.
“U o‘zini o‘nglab, oyoqqa turishga muvaffaq bo‘ldi. Hodisa natijasida u katta hajmdagi kuyishlar va tan jarohatlari oldi. Hodisaning aniq sabablari Sankt-Gallen shahri politsiyasi tomonidan o‘rganilmoqda”, — deyiladi xabarda.
Jabrlanuvchi og‘riqni yengib, hech kimning yordamisiz pechdan chiqa olgan. Unga birinchi tibbiy yordamni zavodda navbatchi shifokorlar ko‘rsatdi. Shundan so‘ng u vertolyotda kasalxonaga yetkazilgan, deya qo‘shimcha qiladi shahar politsiyasi.
Izoh (0)