Xersonni qaytarishga tayyorlanayotgan Ukraina armiyasi, Zelenskiyga berilgan “Oskar”. Urushning 259-kunidan fotoreportaj
Rossiya mudofaa vaziri Sergey Shoygu qo‘shinlarni Xersondan olib chiqishga buyruq berdi, harbiy qismlar Dneprning chap qirg‘og‘iga o‘tkaziladi. Biroq Ukraina Rossiya Xersonni jangsiz tark etishiga ishonmayapti. Chekinish haqidagi buyruqdan bir necha soat oldin Xerson viloyatining okkupatsion hukumati viloyatning Rossiyaga qo‘shib olingan qismi ma’muriyati boshlig‘i o‘rinbosari Kirill Stremousov avariya oqibatida vafot etganini ma’lum qilgan.
Rossiya prezidentining matbuot kotibi Dmitriy Peskov Kremlning “tajribalarini” mahalliy OAV vakillari bilan bo‘lishish uchun anneksiya qilingan Luganskga tashrif buyurdi.
Vladimir Zelenskiy Rossiya bilan muzokaralar uchun beshta shartni ilgari surdi: ular orasida urushda yetkazilgan barcha zararni qoplash va bosqin takrorlanmasligiga kafolat berish bor. Amma bu safar Ukraina prezidenti Vladimir Putin bilan muzokaralar olib borish mumkin emasligini eslatmadi. Meduza urushning 259-kuniga oid asosiy fotosuratlarni taqdim etdi.
Ukrainaning Xerson viloyatidagi qarshi hujumi
Xersondan 175 kilometr sharqda joylashgan Ivanovka qishlog‘i chekkasida rus armiyasining tashlandiq harbiy texnikasi. Ukraina qurolli kuchlari iyul oyida Ivanovkani ozod qilgan edi. 9-noyabr kuni Rossiya Mudofaa vazirligi o‘z qo‘shinlarining Xersondan chekinishi haqida e’lon qildi — shahar va viloyatning bir qismi 2-mart kuni bosib olingan va sakkiz oydan buyon ishg‘ol ostida edi.Foto: ZUMA Press
Osokorovka qishlog‘idagi egizak opa-singillar onasining bag‘rida. Osokorovka Dnepr qirg‘og‘ida, Xersondan deyarli 160 kilometr shimoli-sharqda joylashgan va aprel oyi boshida Ukraina Qurolli kuchlari tomonidan ozod qilingan.Foto: Reuters
Arxangelsk qishlog‘idagi ustunda vayron bo‘lgan bino minalangan bo‘lishi mumkinligi haqida ogohlantiruvchi yozuv. Arxangelsk oktabr oyi boshida Ukraina qo‘shinlari nazoratiga o‘tgan.Foto: ZUMA Press
Ukraina harbiylari Xerson yaqinidagi pozitsiyada “Pion” o‘ziyurar zambarak ustida dam olmoqda.Foto: EPA
Ukraina snaryadiga “Nastyadan Xersonga” deb yozilgan.Foto: Reuters
Ukraina harbiylari 2S7 “Pion” o‘ziyurar artilleriya qurilmasidan o‘t ochmoqda.Foto: Reuters
Ujgoroddagi sovet yodgorligini buzish
Ukrainaning Slovakiya bilan chegaradosh Ujgorod shahrida sovet askarlariga o‘rnatilgan yodgorlik “snos” qilindi. Viloyat rahbari Viktor Mikitaning aytishicha, uning o‘rnida Ukraina qahramonlari sharafiga yodgorlik o‘rnatilishi mumkin.Foto: “Ukrinform”
Ukraina Davlat favqulodda vaziyatlar xizmati xodimlari qulatilgan haykalni ko‘zdan kechirmoqda.Foto: Reuters
Shon Penn o‘z “Oskar”ini Zelenskiyga sovg‘a qildi
Amerikalik aktyor Shon Penn keng ko‘lamli urush boshlanganidan beri Kiyevga uchinchi marta keldi. U Vladimir Zelenskiy bilan uchrashdi va unga o‘zining “Oskar”ini topshirdi — karyerasi davomida Penn ikkita oltin haykalcha olgan — “Sirli daryo” va “Xarvi Milk” filmlaridagi rollari uchun. Aktyor sovg‘ani Ukraina g‘alabasiga umid va ishonch ramzi deb atadi. Bunga javoban Zelenskiy o‘zi filmlarda suratga tushgan paytlar “Oskar” uning orzusi bo‘lganini, shuningdek, Ukraina xalqini qo‘llab-quvvatlagani uchun Pennni “Buyuk xizmatlari uchun” ordeni bilan taqdirlashini aytdi.Foto: Ukraina prezidenti matbuot-xizmati
Kiyev markazidagi qorong‘uda ham ishlayotgan bozor
Kiyev markazida, shaharning asosiy ko‘chasi Kreshatikning g‘arbiy boshida joylashgan Bessarabiya bozori. Ukraina poytaxtida tokni rejali o‘chirish davom etmoqda. Oktabr oyida Rossiya raketalarining yirik hujumidan keyin Ukraina energetika infratuzilmasining 40 foizi shikastlandi, shundan so‘ng mamlakat Energetika vazirligi butun mamlakat bo‘ylab elektrni rejali o‘chirish tizimini joriy qildi.Foto: AP Photo
Kiyevliklar qorong‘uda bozor-o‘char qilmoqda.Foto: AP Photo
Bessarabiya bozoridagi oziq-ovqat bo‘limi.Foto: AP Photo
Izoh (0)