Россия мудофаа вазири Сергей Шойгу қўшинларни Херсондан олиб чиқишга буйруқ берди, ҳарбий қисмлар Днепрнинг чап қирғоғига ўтказилади. Бироқ Украина Россия Херсонни жангсиз тарк этишига ишонмаяпти. Чекиниш ҳақидаги буйруқдан бир неча соат олдин Херсон вилоятининг оккупацион ҳукумати вилоятнинг Россияга қўшиб олинган қисми маъмурияти бошлиғи ўринбосари Кирилл Стремоусов авария оқибатида вафот этганини маълум қилган.
Россия президентининг матбуот котиби Дмитрий Песков Кремлнинг «тажрибаларини» маҳаллий ОАВ вакиллари билан бўлишиш учун аннексия қилинган Луганскга ташриф буюрди.
Владимир Зеленский Россия билан музокаралар учун бешта шартни илгари сурди: улар орасида урушда етказилган барча зарарни қоплаш ва босқин такрорланмаслигига кафолат бериш бор. Амма бу сафар Украина президенти Владимир Путин билан музокаралар олиб бориш мумкин эмаслигини эслатмади. Meduza урушнинг 259-кунига оид асосий фотосуратларни тақдим этди.
Украинанинг Херсон вилоятидаги қарши ҳужуми
Херсондан 175 километр шарқда жойлашган Ивановка қишлоғи чеккасида рус армиясининг ташландиқ ҳарбий техникаси. Украина қуролли кучлари июль ойида Ивановкани озод қилган эди. 9 ноябрь куни Россия Мудофаа вазирлиги ўз қўшинларининг Херсондан чекиниши ҳақида эълон қилди — шаҳар ва вилоятнинг бир қисми 2 март куни босиб олинган ва саккиз ойдан буён ишғол остида эди.Фото: ZUMA Пресс
Осокоровка қишлоғидаги эгизак опа-сингиллар онасининг бағрида. Осокоровка Днепр қирғоғида, Херсондан деярли 160 километр шимоли-шарқда жойлашган ва апрель ойи бошида Украина Қуролли кучлари томонидан озод қилинган.Фото: Reuters
Архангелск қишлоғидаги устунда вайрон бўлган бино миналанган бўлиши мумкинлиги ҳақида огоҳлантирувчи ёзув. Архангелск октябрь ойи бошида Украина қўшинлари назоратига ўтган.Фото: ZUMA Пресс
Украина снарядига «Настядан Херсонга» деб ёзилган.Фото: Reuters
Украина ҳарбийлари 2S7 «Пион» ўзиюрар артиллерия қурилмасидан ўт очмоқда.Фото: Reuters
Ужгороддаги совет ёдгорлигини бузиш
Украинанинг Словакия билан чегарадош Ужгород шаҳрида совет аскарларига ўрнатилган ёдгорлик «снос» қилинди. Вилоят раҳбари Виктор Микитанинг айтишича, унинг ўрнида Украина қаҳрамонлари шарафига ёдгорлик ўрнатилиши мумкин.Фото: «Укринформ»
Украина Давлат фавқулодда вазиятлар хизмати ходимлари қулатилган ҳайкални кўздан кечирмоқда.Фото: Reuters
Шон Пенн ўз «Оскар»ини Зеленскийга совға қилди
Америкалик актёр Шон Пенн кенг кўламли уруш бошланганидан бери Киевга учинчи марта келди. У Владимир Зеленский билан учрашди ва унга ўзининг «Оскар»ини топширди — карьераси давомида Пенн иккита олтин ҳайкалча олган — «Сирли дарё» ва «Харви Милк» фильмларидаги роллари учун. Актёр совғани Украина ғалабасига умид ва ишонч рамзи деб атади. Бунга жавобан Зеленский ўзи фильмларда суратга тушган пайтлар «Оскар» унинг орзуси бўлганини, шунингдек, Украина халқини қўллаб-қувватлагани учун Пеннни «Буюк хизматлари учун» ордени билан тақдирлашини айтди.Фото: Украина президенти матбуот-хизмати
Киев марказидаги қоронғуда ҳам ишлаётган бозор
Киев марказида, шаҳарнинг асосий кўчаси Крешатикнинг ғарбий бошида жойлашган Бессарабия бозори. Украина пойтахтида токни режали ўчириш давом этмоқда. Октябрь ойида Россия ракеталарининг йирик ҳужумидан кейин Украина энергетика инфратузилмасининг 40 фоизи шикастланди, шундан сўнг мамлакат Энергетика вазирлиги бутун мамлакат бўйлаб электрни режали ўчириш тизимини жорий қилди.Фото: AP Photo
Киевликлар қоронғуда бозор-ўчар қилмоқда.Фото: AP Photo
Бессарабия бозоридаги озиқ-овқат бўлими.Фото: AP Photo
Изоҳ (0)