AQSH prezidenti Jo Bayden Indoneziyada o‘tkaziladigan G20 sammiti ishtirokchilari bilan Ukraina inqirozini hal qilish bo‘yicha ehtimoliy qadamlarni muhokama qilishni rejalashtirmoqda.
“Bu sammit keyingi qadamlar qanday bo‘lishi mumkinligini muhokama qilish uchun imkoniyat beradi”, — dedi Bayden Oq uyda bo‘lib o‘tgan matbuot anjumanida.
“Menga Rossiya prezidenti u yerga kelmasligini aytishdi. Lekin muhokama uchun boshqa ishtirokchilar bo‘ladi”, — deya qo‘shimcha qildi Amerika rahbari.
Bundan tashqari, sammit doirasida Xitoy raisi Si Szinpin bilan uchrashsa, Bayden Tayvan atrofidagi vaziyat va savdo aloqalarini muhokama qilmoqchi.
“Hech qanday fundamental yon berishga tayyor emasman. Men “qizil chiziqlarimizni” belgilashni istayman, Xitoyning eng muhim manfaatlarini tushunmoqchiman ... va bizning manfaatlarimiz bir-biriga zid keladimi yoki yo‘qligini aniqlamoqchiman”, — dedi Bayden.
Amerika yetakchisining aytishicha, u Si Szinpin bilan Tayvan hujumga uchragan taqdirda, AQSHning orolni himoya qilish niyati haqida gaplashmoqchi.
“Nim bo‘lmasin bizda muhokama uchun masalalar ko‘p”, — deya yakunladi Bayden.
Izoh (0)