Uzbekistan Airports Toshkent aeroportida joy ijarasi uchun uchta lotni elektron kimoshdi savdosiga qo‘ydi. Lot ma’lumotlari “E-auksion” portalida e’lon qilingan.
Ijaraga beriladigan hududlar ikkinchi terminaldagi steril zonada joylashgan. U yerda hozirda rekonstruksiya qilinayotgan tez ovqatlanish restorani ochilishi rejalashtirilgan.
Umumiy ovqatlanish joylarining 12 oylik ijarasi auksionga qo‘yilmoqda. Ular quyidagilar:
- Fastfud formatidagi umumiy ovqatlanish joyining ijarasi. Boshlang‘ich narxi — 1,2 mlrd so‘m;
- Spirtli ichimliklari bo‘lgan umumiy ovqatlanish joyining ijarasi. Boshlang‘ich narxi — 1,36 mlrd so‘m;
- Shved stoli ko‘rinishidagi umumiy ovqatlanish joyining ijarasi. Boshlang‘ich narxi — 1,34 mlrd so‘m.
Uchala ovqatlanish joyining ijarasi uchun ham arizalar 9-dekabr soat 09:00 ga qadar qabul qilinadi. Savdolar xuddi shu kuni 10:00 da boshlanadi.
Izoh (0)