Coca-Cola — Interbrand agentligi tomonidan dunyodagi eng qimmat oziq-ovqat brendi deb topildi.
Alkogolsiz ichimliklar brendi Coca-Cola 57,5 milliard dollar bahosi bilan dunyoning yuqori darajadagi oziq-ovqat brendlari orasida birinchi bo‘ldi.
Ikkinchi o‘rinda Pepsi (PepsiCo) brendi 19,6 milliard dollar Pepsi (PepsiCo) ko‘rsatilgan.
Nescafe brendi esa (Nestle kompaniyasi) 15,1 milliard dollar bilan uchinchi o‘rinni egalladi.
Red Bull energetik ichimligi brendi 11,5 milliard dollarga baholangan va to‘rtinchi bo‘lgan. Shu tariqa, Red Bull ichimliklar sanoatida yangi qimmat brendga aylangan.
Shirin gazaklar, yormalar, nonushta donlari, ichimliklar va boshqa mahsulotlar ishlab chiqaradigan Nestle brendining qiymati 10,9 milliard dollarni tashkil etdi.
Xuddi shu mahsulot segmentidagi Kellog 8,7 milliard dollarga baholanadi. Shuningdek, tahlilchilar tomonidan Danone sut mahsulotlari brendi 9,5 milliard dollarga baholangan.
Avvalroq Apple kompaniyasi Interbrand talqini bo‘yicha dunyodagi eng qimmat brend deb topilgani haqida xabar berilgandi. Kuchli uchlikdan Amazon va Microsoft ham joy olgan.
Eng qimmat brendlar o‘nligiga Google (251,75 milliard dollar), Samsung (87,7 milliard dollar), Toyota (59,76 milliard dollar), Coca-Cola (57,5 milliard dollar), Mercedes-Benz (56,1 milliard dollar), Disney (50,3 milliard dollar) va Nike (50,29 milliard dollar) kirdi.
Izoh (0)