Britaniyaning Yorkshir shtatidagi Full Satton qishlog‘ida faqat quyosh batareyalari va issiqlik nasoslari bilan quvvatlanadigan mamlakatdagi birinchi qamoqxona qurilishi boshlandi. Bu haqda “TASS” xabar bermoqda.
Nashrning yozishicha, 1 500 nafar mahbus uchun qamoqxona 2025-yilda ochiladi.
Uning qurilishi Britaniya soliq to‘lovchilariga 459 million dollarga tushadi, biroq har yili 1,1 million dollardan ko‘proq mablag‘ni tejaydi. Bu mamlakatda davom etayotgan energetika inqirozi fonida ayniqsa muhim.
Yangi yuqori texnologiyali qamoqxona nafaqat jamoat tartibini, balki budjetni ham tejaydi, — dedi mamlakat penitensiar tizimini nazorat qiluvchi Buyuk Britaniya adliya vaziri o‘rinbosari Demian Xinds.
Yangi axloq tuzatish muassasasi Londondagi Wormwood Scrubs qamoqxonasiga qaraganda 78 foiz kam energiya sarflaydi. Bu yil Vellingboroda ochilgan yuqori texnologiyali Five Wells qamoqxonasidan uch baravar kam energiya sarflaydi.
Rasmiylarga ko‘ra, yangi jazoni o‘tash muassasasining qurilishi atmosferaga karbonat angidrid gazini chiqarishni ham kamaytiradi.
Ma’lum qilinishicha, 164 nafar mahalliy aholi devorlari 5 metrlik ekologik toza qamoqxona qurilishiga qarshi petitsiyaga allaqachon imzo chekkan.
Izoh (0)