Uzbekistan Airports Тошкент аэропортида жой ижараси учун учта лотни электрон кимошди савдосига қўйди. Лот маълумотлари «E-auksion» порталида эълон қилинган.
Ижарага бериладиган ҳудудлар иккинчи терминалдаги стерил зонада жойлашган. У ерда ҳозирда реконструкция қилинаётган тез овқатланиш ресторани очилиши режалаштирилган.
Умумий овқатланиш жойларининг 12 ойлик ижараси аукционга қўйилмоқда. Улар қуйидагилар:
- Фастфуд форматидаги умумий овқатланиш жойининг ижараси. Бошланғич нархи — 1,2 млрд сўм;
- Спиртли ичимликлари бўлган умумий овқатланиш жойининг ижараси. Бошланғич нархи — 1,36 млрд сўм;
- Швед столи кўринишидаги умумий овқатланиш жойининг ижараси. Бошланғич нархи — 1,34 млрд сўм.
Учала овқатланиш жойининг ижараси учун ҳам аризалар 9 декабрь соат 09:00 га қадар қабул қилинади. Савдолар худди шу куни 10:00 да бошланади.
Изоҳ (0)