O‘zbekistonliklar asosan nafas organlari bilan bog‘liq kasalliklarga chalinmoqda

Davlat statistika qo‘mitasi o‘zbekistonliklar eng ko‘p qaysi xastalik bilan kasallanayotgani bo‘yicha ma’lumot berdi.

Qayd etilishicha, 2022- yil 1-yanvar holatiga O‘zbekistonda aholini birinchi marta tashxis bilan qayd qilingan kasalliklarga chalinish turlari bo‘yicha eng yuqori ko‘rsatkich nafas organlari kasalliklari hissasiga to‘g‘ri kelib, har 100 ming aholidan 13 ming nafarida ushbu kasallanish kuzatilmoqda.

Har 100 ming aholiga nisbatan birinchi marta tashxis bilan qayd qilingan jami kasalliklar soni quyidagicha ko‘rinish olgan (ming birlik):

• nafas organlari kasalliklari — 13;
• ovqat hazm qilish a’zolari kasalliklari — 11;
• qon va qon yaratish a’zolari kasalliklari, immun mexanizmiga ta’sir etuvchi ayrim buzilishlar — 5;
• siydik-tanosil tizimi kasalliklari — 5;
• qon aylanish tizimi kasalliklari — 3;
• jarohatlanish, zaharlanishlar va ayrim tashqi sabablar bilan bog‘liq asoratlar — 3;
• ko‘z va uning qo‘shimcha apparati kasalliklari — 3;
• asab tizimi kasalliklari — 3;
• ba’zi yuqumli va parazitar kasalliklar — 2;
• quloq va so‘rg‘ichsimon o‘simta kasalliklari — 2.