5-noyabr kuni Janubi-g‘arbiy maxsus harbiy okrug tasarrufidagi Termiz umumqo‘shin dala poligonida tuzilmalarning Quruqlikdagi qo‘shinlar havo hujumidan mudofaa bo‘linmalari bilan o‘quv-uslubiy yig‘in boshlandi. Bu haqda Mudofaa vazirligi xabar qildi.
Qayd etilishicha, dastlab yig‘in ishtirokchilarining mashg‘ulotlarga tayyorgarligi, xususan, ularning qurol-yarog‘lari, yuk qoplari, komandirlik sumkalari va hujjatlari ko‘rikdan o‘tkazilgan. Shuningdek, harbiy xizmatchilarga maxsus va texnik hamda jismoniy tayyorgarlik jarayonlarini yangicha usullarda olib borish yuzasidan tegishli ko‘rsatmalar berilgan.
“Mazkur dala o‘quv yig‘inida harbiy xizmatchilar mavjud tajribalarini mukammallashtirib, jangovar harakatlarni tashkil etishda egallagan bilim va ko‘nikmalarini mustahkamlaydi”, — deyiladi xabarda.
Yig‘in joriy yilning 16-noyabr kuniga qadar davom etadi.
Izoh (0)