Amerikalik taniqli yozuvchi Stiven King Ilon Maskni Mark Tven asarlarining qahramoni Tom Soyerga o‘xshatdi.
"Ilon Mask menga jazo sifatida panjarani bo‘yash buyurilgan Tom Soyerni eslatmoqda. Tom do'stlarini o'ziga buyurilgan ishlarni bajarishga va bunday imkoniyat berilgani uchun ularni pul to'lashga ham majbur qiladi. Mask ham Twitter bilan shunday qilmoqchi. Yo'q, yo'q, yoq", - deb yozdi King Twitter'dagi sahifasida.
Avvalroq, Stiven King Twitter'da verifikatsiya olish pulli bo‘lishi haqidagi xabarga e'tiroz bildirgandi.
"Twitter'dagi verifikatsiyamni saqlab qolish uchun oyiga 20 dollarm?! Jin ursin, men emas, ular menga pul to'lashlari kerak. Agar bu yo'lga qo'yilsa, men (Twitter'dan) Enron kabi ketaman", - deb yozgandi yozuvchi.
Bunga javoban esa Mask noliydiganlar har qancha nolisa ham pulli obuna saqlanib qolishini ma'lum qilgan.
Faqat obuna narxi oyiga 20 dollar emas, 8 dollar bo‘lishini qo‘shimcha qildi Ilon Mask.
Izoh (0)