Bugun,

  • USD 11095.31
  • RUB 173.84
  • EUR 10772.44

Koronavirus avj olishi tufayli Xitoy hukumati Chjenchjou aeroporti iqtisodiy zonasini yopdi, u yerda esa iPhone ishlab chiqariladigan dunyodagi eng yirik zavod joylashgan. Bu haqda Deutsche Welle xabar bermoqda.

Arxiv

Arxiv
Foto: “RIA Novosti”

Xitoy hukumati ishchilar koronavirus bilan bog‘liq cheklovlardan qochish uchun korxonani tark etganidan keyin Chjenchjou markaziy shahridagi sanoat parkini o‘rab oldi. Ushbu hududda iPhone ishlab chiqarish bo‘yicha dunyodagi eng katta zavod joylashgan.

“Xenan provinsiyasidagi Chjenchjou aeroporti iqtisodiy zonasi rasmiy vakillari, COVID-19 profilaktikasini o‘tkazayotgan ko‘ngillilar va asosiy ishchilardan tashqari barcha odamlar o‘z yashash joylarini tark etmasligi kerakligini ma’lum qildi, ular faqat COVID-19 ga tahlil topshirish va shoshilinch tibbiy yordam olish uchungina chiqishi mumkin”, — deyiladi xabarda.

Ushbu zonadagi ulkan iPhone zavodiga egalik qiluvchi Tayvanning Foxconn texnologik giganti shu hafta o‘nlab ishchilari qochib ketganidan keyin, xodimlariga zavodda qolganlar uchun mukofot pulini to‘rt karra oshirishga va’da berdi.

Mahalliy hukumat ma’lum qilishicha, sanoat zonasida yashovchilar har kuni koronavirusga testdan o‘tishi kerak.

Xitoy jiddiy tanqidlar hamda savdo-sotiq va biznesdagi uzilishlarga qaramasdan, koronavirus avj olishi holatlarini kamaytirishga qaratilgan “COVID-19 ga nisbatan nol toqatlilik” strategiyasini olib borishda davom etmoqda.

Avvalroq Xitoy koronavirusning yangi to‘lqini tufayli mamlakatning markaziy va shimoli-g‘arbiy qismlaridagi shaharlarni karantinga yopayotgani xabar berilgandi.

25-oktabrdan buyon mamlakat hududida COVID-19 ga chalinish bo‘yicha mingdan ortiq yangi holatlar qayd etilmoqda. Bu 2022-yil boshida Shanxayda kuniga o‘n minglab bemorlar aniqlangani bilan qiyoslaganda arzimas ko‘rsatkich bo‘lishi mumkin. O‘shanda shahar to‘liq yopilgandi. Biroq bu butun mamlakat bo‘ylab ko‘proq cheklovlar kiritilishi uchun yetarlidir.

Izoh
Asosiy yangiliklar
Kitob
“Shayton kitob timsolida hayotimga kirib kelgan va barcha narsani o‘ziniki qilib olgan edi…” “Qora kitob” asari haqida
Dunyo
Yuzga tushgan chandiq, quldorlarga qarshi kurash va teatrda otib ketilgan prezident — Linkoln. Xalq orasida eng mashhur AQSH prezidenti taqdiri
Kino
“Yonarqo‘ng‘izlar qabri”, “Yurak shiviri”, “Mushukning qaytishi”  — Yapon rejissorlarining eng yaxshi animelari