Qozog‘iston bosh prokurori o‘rinbosari Aset Chindaliyev ma’lum qilishicha, qimor o‘ynab, katta miqdorda pul yutqazib qo‘ygan qozog‘istonlik mansabdorlarga nisbatan eng qat’iy choralar ko‘riladi.
Jurnalistlar bosh prokuror o‘rinbosaridan amaldorlar qimorga sarflash uchun buncha pulni qayerdan olgan bo‘lishi mumkinligi haqida so‘radi.
“Ha, shunday axborot tarmoqda tarqalgandi. Lekin har bitta holat bo‘yicha tegishli davlat organlari tomonidan tekshiruvlar o‘tkaziladi. Ushbu tekshiruvlar natijalariga ko‘ra, eng qat’iy choralar qabul qilinadi”, — dedi Chindaliyev.
Avvalroq Almati viloyati prokuraturasi tekshiruv olib borib, 305 nafar qozog‘istonlik mansabdor kazinoda 507 million tenge (1, 092 million dollar) sarflaganini aniqlagandi. Prokurorlar qimorxonalar va o‘yin avtomatlari zallari faoliyatini tekshirib, turli hududlardan 305 nafar davlat xizmatchilari davlat lavozimlarini egallab turgan vaqtida ushbu muassasalarga tashrif buyurganini aniqlagan. Qimor o‘yinlariga ular 507 million tenge sarflagan.
Ayni paytda ushbu holat yuzasidan Davlat xizmati ishlari bo‘yicha agentlik surishtiruv olib borilmoqda.
Izoh (0)