Gollivud aktyori Silvestr Stallone oilasini ajrimdan qanday saqlanib qolgani haqida gapirib berdi
Yozda Silvestr Stallonening uchinchi rafiqasi, aktrisa Jennifer Flavin bilan 25 yillik turmushidan so‘ng ajrashish uchun ariza bergani ma’lum bo‘ldi. Jennifer aktyorga mol-mulkini isrof qilishni taqiqlamoqchi bo‘lgan. Aktrisa esa Silvestr undan moliyaviy aktivlarini yashirganini aytdi. Biroq, keyinchalik juftlik ajrashish haqidagi fikrlarini o‘zgartirdi. Yaqinda Stallone The Sunday Times gazetasiga bergan intervyusida rafiqasi bilan munosabatlarini qanday saqlab qolgani haqida so‘zlab berdi.
“Menda yanada qadrliroq narsa, ya’ni oilamga bo‘lgan muhabbat uyg‘ongandek bo‘ldi. Bu mening ishimdan muhimroq va og‘ir saboq bo‘ldi”, — dedi aktyor.
Silvestr shuningdek, oilasiga ko‘proq vaqt ajrata boshlagani haqida so‘zlab berdi. Avval u karyerasiga katta e’tibor qaratar edi.
“Ular katta bo‘lganlarida yetarlicha e’tibor bermadim. Men karyeramga juda qattiq bog‘langanman. Biroq hozir o‘zimga shunday deyman: “Oldinda ko‘p vaqtim yo‘q, shuning uchun ularning hayoti haqida ko‘proq bilishni xohlayman. Men ulardan kuni qanday o‘tganini so‘radim va avvaliga ular bir so‘z bilan javob berdi. Keyin ulardan birining gapini eshitdim: ‘Men siz haqingizda o‘ylardim’. Xudoyim, umrimda bunaqasini eshitmaganman. Qizingiz g‘amxo‘rlik qilayotganingizni bilsa, u doimo sizga yaqin bo‘ladi”, — deydi u.
Mavzuga doir:
- Joan Rouling, Silvestr Stallone, Xyu Jekman va jahon yulduziga aylangan boshqa sobiq o‘qituvchilar (foto).
- Madonna, Silvestr Stallone va farzandlarini qattiqqo‘llik bilan tarbiya qilayotgan boshqa mashhurlar (foto).
- Mashhur aktyor va rejissor Silvestr Stallone qanday uyda yashaydi?
- Arnold Shvarsenegger va Silvestr Stallone bir yil deganda ilk bor ko‘rishdi.
