Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola etamiz.
Xonanda, teleboshlovchi Xusnora Shodiyeva 2-noyabrda tug‘ilgan kunini Ozarbayjonning Boku shahrida nishonladi.
Shu bilan birga, Xusnora Shodiyeva sahifasiga onasi va o‘g‘li uni qanday tabriklagani aks etgan videoni ham joyladi. Ma’lumot uchun, xonanda 29 yoshga kirdi.
Bollivud yulduzi Shohrux Xon 2-noyabr kuni 57 yoshni qarshi oldi. U tug‘ilgan kunini muxlislari qurshovida nishonlash baxt berganini va buning uchun ulardan minnatdor ekanini aytdi.
Shuningdek, hind aktyori Shohrux Xon o‘zi va Dipika Padukone ishtirokidagi yangi “Pushtun” filmi 2023-yilning 25-yanvarida katta ekranlarga chiqishini ma’lum qildi.
Bahrom Nazarov 2-noyabr kuni o‘z konsert dasturini muxlislariga taqdim etishni boshladi. Xonandaning hamkasbi Vohidjon Isoqov unga to‘n kiydirdi.
Turk aktyori Kadir Dog‘ulu sahifasiga rafiqasi Neslihan Atagul bilan tushgan suratini joyladi.
Aktrisa Zarnigor G‘aniyeva ro‘mol o‘raganidan so‘ng ilk marta muxlislariga ko‘rinish berdi.
Xonanda Umidaxon sahifasiga turmush o‘rtog‘i bilan tushgan suratlarini joyladi va muxlislaridan ularga qaysi surati yoqqanini so‘radi.
Shuningdek, Umidaxon turmush o‘rtog‘i, shou-biznesdagi yaqin insonlari “Oybek va Nigora” dueti xonandalari Oybek va Nigora bilan to‘yga borgani aks etgan videoni obunachilariga namoyish qildi.
Zarina Nizommidova obunachilarining yangi IPhone 14 Pro Max telefonini ishlatilishi haqidagi savoliga javob berdi. Aktrisa bu telefonning boshqa IPhone’lardan dizayn jihatidan ham, ishlatilish funksiyalari jihatidan ham farq qilmasligini ta’kidladi.
“Jaydari kelin” spektalidagi roli orqali mashhur bo‘lgan aktrisa Munojot Alimboyeva ham 2-noyabr kuni tug‘ilgan kunini nishonladi. Aktrisa turmush o‘rtog‘i, yaqinlari uni tabriklagani aks etgan videoni muxlislariga namoyish qildi.
Ziyoda Turkiyadagi ta’tili aks etgan videolarni obunachilariga ko‘rsatdi.
Xonanda Jahongir Otajaonov sahifasiga o‘g‘li Muammar va qizalog‘i Yasira bilan tushgan suratini joyladi.
Opera xonandasi Milena Madmusayeva Ozoda Nursaidovaning “Go‘zal kechalarda” nomli taronasini qayta ijro etdi va unga bu tarona uchun minnatdorchilik bildirdi.
Aktrisa Asal Shodiyeva onasini tug‘ilgan kuni bilan tabrikladi.
Aktrisa Durdona Qurbonova unga prank uyushtirib, sevgi izhori qilishgani aks etgan videoni muxlislariga namoyish qildi.
Xonanda Bunyodbek Saidov o‘g‘li Saidrizoning tug‘ilgan kunini yaqinlari davrasida nishonlagani aks etgan videoni folloverlari bilan bo‘lishdi.
Mavzuga doir:
- Instagram: Yangi mashinali bo‘lgan Jahongir Otajonov, Zara G‘aniyevaga kutilmagan sovg‘a, Zohid Risqiyevga atab qo‘shiq kuylagan Shohrux.
- Instagram: Ijodga qaytayotgan Shahriyor, tug‘ilgan kunini nishonlagan Jambul Muhammedov, patir sotayotgan Asal Shodiyeva.
- Instagram: AQSHdagi osmono‘par binoda raqsga tushgan Bunyodbek Saidov, Shukurullo Isroilov xonadonida to‘y, singlisini uzatgan Dili.me.
- Instagram: Xolavachchasi Islom Karimov bilan yarashgan Maryam Tillayeva, boshqa so‘kinmaydigan Halima, Luiza Rasulova kimdan xafa?
Izoh (0)