Qashqadaryo viloyati hokimligi axborot xizmati tomidan chakki o‘tayotgan maktab sinfxonalari haqidagi xabarga munosabat bildirib, holat shaxsan viloyat hokimi nazoratiga olinganini ma’lum qildi.
Bino aslida Qamashi pedagogika kollejiga tegishli bo‘lib, tumandagi Davlat 9-ixtisoslashtirilgan umumta’lim maktabi 2018-yil oktabr oyida ushbu kollejning foydalanilmasdan turgan o‘quv binosiga sobiq tuman hokimi taklifi va viloyat hokimining sobiq o‘rinbosari roziligi bilan ijaraga o‘tkazilgan. Hozirgi kunda bu binoda Davlat 9-ixtisoslashtirilgan umumta’lim maktabining 774 nafar o‘quvchisi ta’lim-tarbiya olib kelmoqda.Mas’ullarning ta’kidlashicha, Davlat 9-ixtisoslashtirilgan umumta’lim maktabi Qamashi pedagogika kolleji binosida ijarada turgani sababli Qamashi tuman xalq ta’limi bo‘limi hisobidan qurilish ta’mirlash ishlarini olib borish imkoniyatiga ega emas.Joriy yilning 2-noyabr kuni ertalab kuchli shamol va yomg‘ir yog‘gani sababli videodagi sinfxona shiftidan yomg‘ir tomchilagan. Shu zahoti o‘quvchilar boshqa bir qulay xonaga ko‘chirilgan. Zudlik bilan bu haqda tuman markaziga xabar berilgan va tuman hokimligi, tuman xalq ta’limi bo‘limi mas’ullari ta’lim dargohida bo‘lib, holatni o‘rgangan. O‘rganish jarayonida binoning tom qismi butun bo‘lib, suv ketish tarnovlarda chiqindilar to‘planib qolishi sababli yuzaga kelgani aniqlangan. Tuman xalq ta’limi bo‘limi eksplutatsiya xodimlari tomonidan tarnovdagi suv yo‘llari chiqindilardan tozalanib, holat bartaraf etildi. Endi bu kabi holatga yo‘l qo‘yilmasligi bo‘yicha ham mas’ullarga tegishli topshiriqlar berildi. Holat to‘liq viloyat hokimi nazoratida, — deyiladi hokimlik munosabatida.
Ammo mas’ullar tomonidan ushbu holatga yechim izlanmagani ham rost. Bu bo‘yicha aybdorlar ham aniqlanib, qonun talablari doirasida chora ko‘riladi, — deydi viloyat hokimligi axborot xizmati rahbari Ahror Sodiqov.Qo‘shimcha qilinishicha, investitsiya dasturi bo‘yicha 2023-yilda 660 o‘rinli yangi maktab binosini qurish bo‘yicha viloyat xalq ta’limi boshqarmasiga taklif berilgan.
Izoh (0)