Қашқадарё вилояти ҳокимлиги ахборот хизмати томидан чакки ўтаётган мактаб синфхоналари ҳақидаги хабарга муносабат билдириб, ҳолат шахсан вилоят ҳокими назоратига олинганини маълум қилди.
Бино аслида Қамаши педагогика коллежига тегишли бўлиб, тумандаги Давлат 9-ихтисослаштирилган умумтаълим мактаби 2018 йил октябрь ойида ушбу коллежнинг фойдаланилмасдан турган ўқув биносига собиқ туман ҳокими таклифи ва вилоят ҳокимининг собиқ ўринбосари розилиги билан ижарага ўтказилган. Ҳозирги кунда бу бинода Давлат 9-ихтисослаштирилган умумтаълим мактабининг 774 нафар ўқувчиси таълим-тарбия олиб келмоқда.Масъулларнинг таъкидлашича, Давлат 9-ихтисослаштирилган умумтаълим мактаби Қамаши педагогика коллежи биносида ижарада тургани сабабли Қамаши туман халқ таълими бўлими ҳисобидан қурилиш таъмирлаш ишларини олиб бориш имкониятига эга эмас.Жорий йилнинг 2 ноябрь куни эрталаб кучли шамол ва ёмғир ёғгани сабабли видеодаги синфхона шифтидан ёмғир томчилаган. Шу заҳоти ўқувчилар бошқа бир қулай хонага кўчирилган. Зудлик билан бу ҳақда туман марказига хабар берилган ва туман ҳокимлиги, туман халқ таълими бўлими масъуллари таълим даргоҳида бўлиб, ҳолатни ўрганган. Ўрганиш жараёнида бинонинг том қисми бутун бўлиб, сув кетиш тарновларда чиқиндилар тўпланиб қолиши сабабли юзага келгани аниқланган. Туман халқ таълими бўлими эксплутация ходимлари томонидан тарновдаги сув йўллари чиқиндилардан тозаланиб, ҳолат бартараф этилди. Энди бу каби ҳолатга йўл қўйилмаслиги бўйича ҳам масъулларга тегишли топшириқлар берилди. Ҳолат тўлиқ вилоят ҳокими назоратида, — дейилади ҳокимлик муносабатида.
Аммо масъуллар томонидан ушбу ҳолатга ечим изланмагани ҳам рост. Бу бўйича айбдорлар ҳам аниқланиб, қонун талаблари доирасида чора кўрилади, — дейди вилоят ҳокимлиги ахборот хизмати раҳбари Аҳрор Содиқов.Қўшимча қилинишича, инвестиция дастури бўйича 2023 йилда 660 ўринли янги мактаб биносини қуриш бўйича вилоят халқ таълими бошқармасига таклиф берилган.
Изоҳ (0)