Turkmaniston yana bir marta rekord o‘rnatdi, u Ginnessning rekordlar kitobiga kiritildi — Axal viloyatining ayni paytda barpo etilayotgan yangi poytaxti yaqinida ochiq osmon ostida sobiq prezident Gurbanguli Berdimuhamedov ko‘rsatmasiga muvofiq, “Organik polizchilik va uning ekologiyaga hissasi” mavzusida seminar o‘tkazildi, unda 500 nafar agronom ishtirok etdi. Bu haqda “Xronika Turkmenistana” xabar bermoqda.
Turkmaniston qishloq xo‘jalik instituti Ilmiy-ishlab chiqarish markazi ilmiy xodimi seminar ishtirokchilariga mevali bog‘lar va uzumzorlarning yangi shahar atrofidagi ekologik muhitga ta’siri haqida ma’ruza o‘qib berdi.
Ma’ruzadan keyin tadbir ishtirokchilarining barchasi bittadan “qora kishmish” navidagi uzum ko‘chatini ekdi.
Turkmanistonning avvalgi rekordlari
Turkmaniston bundan avval ham turli ko‘rsatkichlar bo‘yicha Ginnesning rekordlar kitobiga kiritilgan. Xususan, 2019-yil 8-avgustda Turkmanboshi shahrida tashkil qilingan tadbir ekologiya bo‘yicha eng katta dars sifatida qayd etilgan.O‘sha yilning o‘zida Ashxoboddagi olimpiya shaharchasida saf tortgan holda eng uzoq davom ettirilgan velosiped paradi o‘tkazilgan.
2018-yil 1-iyun kuni esa “Ashxobod” stadionida velosiped sporti bo‘yicha eng ko‘p odam ishtirokidagi dars uyushtirilgandi.
Shuningdek, 2017-yilda Ashxobod shahrida bunyod etilgan olimpiya shaharchisining ikki obyekti Ginnes rekordlar kitobidan joy olgan edi.
Izoh (0)