Qishga tayyorlanayotgan ukrainaliklar, Xarkovda qolgan rus texnikalari. Urushning 249-kunidan fotoreportaj
Sevastopoldagi kemalarga dron hujumi tufayli Rossiya Ukraina portlaridan don eksporti bo‘yicha kelishuvdagi ishtirokini noma’lum muddatga to‘xtatdi. Rossiya Mudofaa vazirligi ma’lumotiga ko‘ra, dronlardan biri don eksporti bilan shug‘ullanuvchi fuqarolik kemasidan otilgan bo‘lishi mumkin edi. Keyinroq vazirlik Nikolayev viloyatining Ochakovo shahridagi Ukraina Qurolli kuchlarining maxsus operatsiyalar kuchlari o‘quv markaziga zarba bergani haqida xabar qildi. Rossiya tomoni da’vo qilishicha, Sevastopol portiga hujum aynan o‘sha yerda tayyorlangan, Ukraina buni rad etmoqda. Rossiya tomonidan tayinlangan Energodar hukumati vakillari Ukraina qo‘shinlari shahardagi elektr tarmog‘iga zarba berib, elektr energiyasini uzib qo‘yganini aytdi. Meduza urushning 249-kuniga oid asosiy fotosuratlar bilan bo‘lishdi.
Bahmutda gumanitar yordam tarqatish
Bahmut shahrida yashovchi kishi gumanitar yordam tarqatish punktidagi bombapanohda qo‘shnilari uchun non olmoqda. Foto: Reuters
Bahmutliklar vayron bo‘lgan bino yaqinida turibdi. Urush boshlanganidan beri shahar o‘qqa tutilmoqda. Urushdan oldin Bahmutda 73 mingga yaqin odam yashagan — hozirgi vaqtga kelib aholining 90 foizi shaharni tark etgan.Foto: Reuters
Baxmutlik kishi velosipediga gumanitar yordamni ortmoqda. Bugun shaharda elektr va suv yo‘q, do‘konlar ishlamayapti. Mahalliy aholi ko‘ngillilar tarqatadigan oziq-ovqat, dori-darmonlar va boshqa zarur narsalarga to‘liq qaram.Foto: Reuters
Bahmut aholisi Bahmutovka daryosidan qo‘lbola ko‘prik orqali o‘tmoqda.Foto: Reuters
Chernigov viloyatida qishga tayyorgarlik
Yagodnoye qishlog‘i aholisi kartoshkani yig‘ishtirib olmoqda. Yagodnoye Kiyevdan 140 kilometr shimolda, Chernigov yaqinida va Belarus chegarasidan unchalik uzoq bo‘lmagan joyda joylashgan. Mart oyida rus qo‘shinlari qishloqni egallab oldi va u yerda deyarli bir oy qoldi. Yagodnoye Ukraina Qurolli kuchlari tomonidan ozod qilinganidan so‘ng, ma’lum bo‘lishicha, Rossiya harbiylari butun qishloqni bir oy davomida maktab yerto‘lasida ushlab turgan.Foto: Getty Images
Yagodnoyeliklar vayron bo‘lgan turar joy binosidan olib chiqqan isitish radiatorini ko‘zdan kechirmoqda.Foto: Getty Images
Yagodnoyeda yashovchi ayol vayron bo‘lgan uy yonidagi vaqtinchalik boshpanada.Foto: Getty Images
Yagodnoyeda o‘qqa tutilib zarar ko‘rgan xonadondagi ayol.Foto: Getty Images
Ko‘ngillilar Novoselovka aholisiga uyining tomini ta’mirlashda yordam bermoqda. Urush boshida Novoselovka rus qo‘shinlarining hujum chizig‘ida bo‘lgan va egallab olingan. Yagodnoye singari qishloq ham mart oyining oxirida ozod qilindi.Foto: Getty Images
Xerson viloyatida ozod qilingan qishloq
Knyazevka qishlog‘ida buzilgan avtobus. Mart oyi o‘rtalarida rus qo‘shinlari Knyazevkaga kirdi, biroq ikki hafta o‘tib Ukraina Qurolli kuchlari qishloqni qaytarib olishga muvaffaq bo‘ldi. Ammo u yerda hamon elektr va suv bilan bog‘liq muammolar mavjud.Foto: Getty Images
Knyazevka qishlog‘ida yashovchi ayol.Foto: Getty Images
Qishloqdagi bolalar bog‘chasi, istilo paytida unda Rossiya harbiylari yashagan.Foto: Getty Images
Xarkov yaqinida buzilgan texnikalar
Xarkov viloyatining Kamenka qishlog‘ida Rossiya armiyasining buzilgan texnikalari — qishloq sentabr oyida unga yaqin Izyum shahri bilan birga ozod qilingan. Urushning dastlabki kunlaridanoq u yerda shiddatli janglar kechgan. Ukraina OAVlarining yozishicha, qishloqda birorta ham butun uy qolmagan.Foto: AP Photo
Izoh (0)