Туркманистон яна бир марта рекорд ўрнатди, у Гиннесснинг рекордлар китобига киритилди — Ахал вилоятининг айни пайтда барпо этилаётган янги пойтахти яқинида очиқ осмон остида собиқ президент Гурбангули Бердимуҳамедов кўрсатмасига мувофиқ, «Органик полизчилик ва унинг экологияга ҳиссаси» мавзусида семинар ўтказилди, унда 500 нафар агроном иштирок этди. Бу ҳақда «Хроника Туркменистана» хабар бермоқда.
Туркманистон қишлоқ хўжалик институти Илмий-ишлаб чиқариш маркази илмий ходими семинар иштирокчиларига мевали боғлар ва узумзорларнинг янги шаҳар атрофидаги экологик муҳитга таъсири ҳақида маъруза ўқиб берди.
Маърузадан кейин тадбир иштирокчиларининг барчаси биттадан «қора кишмиш» навидаги узум кўчатини экди.
Туркманистоннинг аввалги рекордлари
Туркманистон бундан аввал ҳам турли кўрсаткичлар бўйича Гиннеснинг рекордлар китобига киритилган. Хусусан, 2019 йил 8 августда Туркманбоши шаҳрида ташкил қилинган тадбир экология бўйича энг катта дарс сифатида қайд этилган.Ўша йилнинг ўзида Ашхободдаги олимпия шаҳарчасида саф тортган ҳолда энг узоқ давом эттирилган велосипед паради ўтказилган.
2018 йил 1 июнь куни эса «Ашхобод» стадионида велосипед спорти бўйича энг кўп одам иштирокидаги дарс уюштирилганди.
Шунингдек, 2017 йилда Ашхобод шаҳрида бунёд этилган олимпия шаҳарчисининг икки объекти Гиннес рекордлар китобидан жой олган эди.
Изоҳ (0)