Tojikiston Tashqi ishlar vazirligi Eron tomoni Tojikistonda uchuvchisiz uchar apparat ishlab chiqarayotgani va ularni Ukrainadagi mojaro hududiga yetkazib berayotgani haqidagi ayblovlarni rad etdi. Bu haqda “Sputnik Tajikistan” xabar berdi.
“Biz Tojikiston respublikasi uchinchi davlatlarga harbiy texnika eksport qilmasligini ta’kidlaymiz”, — deyiladi TIV bayonotida.
Bundan tashqari vazirlik Tojikiston tomoniga rasmiy Kiyevdan ushbu masala bo‘yicha hech qanday so‘rov kelib tushmaganini ma’lum qildi.
Tojikistonda Eron dronlari ishlab chiqarilayotgani haqida avval ukrainalik jurnalist Dmitriy Gordon aytgan edi. Dastlab, Gordon isroillik milliarder Leonid Nevzlin bilan uyushtirgan intervyusida Rossiya tomonidan Ukraina bilan urushda qo‘llanilayotgan dronlar Eron, Iroq va O‘zbekistonda yig‘ilayotgani haqida gapirgan. O‘zbekiston Tashqi ishlar vazirligi bu xabar asossiz ekanini ma’lum qildi.
Shundan so‘ng Gordon aslida u Tojikistonni nazarda tutgani, lekin adashish sababli O‘zbekiston nomini aytib yuborganini aytdi va xato gapirgani uchun uzr so‘radi.
Jurnalist Tojikiston Tashqi ishlar vazirligidan bu ma’lumot haqiqatga to‘g‘ri kelmaydigan deb topilsa, rad etishni so‘radi.
Izoh (0)