Janubiy Koreya poytaxti Seul shahri markazida Xellouin bayramini nishonlash vaqtida yuz bergan tiqilinch sabab kamida 50 kishi yurak xurujiga uchradi. Bu haqda Yonhap axborot agentligi xabar berdi.
Ta’kidlanishicha, holat Seul markazidagi Gamilton mehmonxonasi yaqinida sodir bo‘lgan. Jabrlanganlarga barcha zarur yordamlar ko‘rsatilmoqda.
Halok bo‘lganlar soni haqida rasmiy ma’lumot hozircha mavjud emas. Ayrim manbalar 20 ga yaqin kishi vafot etganini yozmoqda. Voqea joyiga 400 dan ortiq qutqaruvchilar yuborilgan. Jabrlanganlarning ba’zilarida voqea joyida yurak-o‘pka reanimatsiyasi o‘tkazilmoqda, ba’zilari shifoxonalarga yuborilgan.
Tarqalgan kadrlarda ko‘plab odamlar shahar bo‘ylab sayr qilayotganini ko‘rish mumkin. Fuqarolar esa bir-birlariga juda yaqin masofada harakatlangan, chunki ko‘chalar odamlar bilan gavjum bo‘lgan.
Agentlikning mahalliy OAVga tayanib xabar berishicha, olomon barlardan biri tomon harakatlangan, chunki u yerga ismi oshkor etilmagan mashhur shaxs borgan.
Izoh (0)