Janubiy Koreya prezidenti Yun Sok Yol Seuldagi fojia munosabati bilan milliy motam e’lon qildi hamda qurbonlar va qurbonlarning oila a’zolariga hamdardlik bildirdi.
Seuldagi tiqilinch paytida halok bo‘lganlar soni, so‘nggi ma’lumotlarga ko‘ra, 151 kishiga yetgan, 82 kishi jarohatlangan. Qurbonlar orasida ikki nafar xorijlik bor, yana 15 nafari jarohatlangani aytilmoqda.
Rasmiy ma’lumotlarga ko‘ra, bedarak yo‘qolganlar haqida 350 ga yaqin xabar kelib tushgan. Ma’lumotlar politsiyaga topshirilgan.
Ma’lumot uchun, kecha, 29-oktabr kuni Janubiy Koreya poytaxti Seul shahri markazida Xellouin bayramini nishonlash vaqtida yuz bergan tiqilinch sabab odamlar yurak xurujiga uchragan edi.
Ta’kidlanishicha, holat Seul markazidagi Gamilton mehmonxonasi yaqinida sodir bo‘lgan. Jabrlanganlarga barcha zarur yordamlar ko‘rsatilgan.
Tarqalgan kadrlarda ko‘plab odamlar shahar bo‘ylab sayr qilayotganini ko‘rish mumkin. Fuqarolar esa bir-birlariga juda yaqin masofada harakatlangan, chunki ko‘chalar odamlar bilan gavjum bo‘lgan.
Agentlikning mahalliy OAVga tayanib xabar berishicha, olomon barlardan biri tomon harakatlangan, u yerga ismi oshkor etilmagan mashhur shaxs borgan.
Mavzuga doir: Seulda Xellouin bayramini nishonlash vaqtidagi tiqilinch oqibatida 120 kishi vafot etdi — Yonhap
Izoh (0)