Тожикистон Ташқи ишлар вазирлиги Эрон томони Тожикистонда учувчисиз учар аппарат ишлаб чиқараётгани ва уларни Украинадаги можаро ҳудудига етказиб бераётгани ҳақидаги айбловларни рад этди. Бу ҳақда «Спутник Тажикистан» хабар берди.
«Биз Тожикистон республикаси учинчи давлатларга ҳарбий техника экспорт қилмаслигини таъкидлаймиз», — дейилади ТИВ баёнотида.
Бундан ташқари вазирлик Тожикистон томонига расмий Киевдан ушбу масала бўйича ҳеч қандай сўров келиб тушмаганини маълум қилди.
Тожикистонда Эрон дронлари ишлаб чиқарилаётгани ҳақида аввал украиналик журналист Дмитрий Гордон айтган эди. Дастлаб, Гордон исроиллик миллиардер Леонид Невзлин билан уюштирган интервьюсида Россия томонидан Украина билан урушда қўлланилаётган дронлар Эрон, Ироқ ва Ўзбекистонда йиғилаётгани ҳақида гапирган. Ўзбекистон Ташқи ишлар вазирлиги бу хабар асоссиз эканини маълум қилди.
Шундан сўнг Гордон аслида у Тожикистонни назарда тутгани, лекин адашиш сабабли Ўзбекистон номини айтиб юборганини айтди ва хато гапиргани учун узр сўради.
Журналист Тожикистон Ташқи ишлар вазирлигидан бу маълумот ҳақиқатга тўғри келмайдиган деб топилса, рад этишни сўради.
Изоҳ (0)