26-oktabr kuni kechqurun Donetsk viloyatining Rossiya nazoratidagi Shaxtyorsk shahrida portlash sodir bo‘lgan edi — Ukraina rasmiylariga ko‘ra, Ukraina Qurolli kuchlari Rossiya yonilg‘isi va yuk vagonlari bo‘lgan neftbazadagi “front ehtiyoji uchun zarur narsalar”ga hujum qilgan. Yong‘in ertasi kuni ertalabgacha davom etdi, shundan ko‘p o‘tmay, Ukraina Qurolli kuchlari Shaxtyorskdagi neftbazaga yangi hujumlarni boshladi. Ukraina OAVlarining xabar berishicha, Ukraina “Rossiya 24” telekanalining voqea joyidan uzatilgan reportaji sharofati bilan o‘t o‘chish nishonini to‘g‘rilab, ikkinchi aniqroq zarbani bergan — Kiyev bunga rasman izoh bermadi.
Ukraina janubi va shimoli-sharqida ham Ukraina Qurolli kuchlarining qarshi hujumi davom etmoqda. Ramzan Qodirov Xerson viloyatida chechenistonlik 23 nafar askar halok bo‘lganini tan oldi. Qrim rahbari Sergey Aksyonov Rossiya prezidenti ma’muriyati rahbari o‘rinbosari Sergey Kiriyenko bilan birgalikda anneksiya qilingan Xersonga keldi va “Ukraina Qurolli kuchlari tomonidan o‘qqa tutilayotgan hududdan tinch aholini “evakuatsiya qilish” yakunlanganini e’lon qildi. Rossiyada urush davrida buyruqni bajarmaslik bo‘yicha birinchi jinoiy ish ochildi. Meduza urushning 246-kuniga oid asosiy fotosuratlar bilan bo‘lishdi.
Donetsk yaqinidagi Shaxtyorskda yonayotgan neftbaza
27-oktabr kuni o‘t o‘chiruvchilar Shaxtyorskdagi neftbazada yong‘inni o‘chirmoqda. Ikki kun ichida Ukraina qo‘shinlari bu hududga ikki marta raketa hujumini uyushtirdi. Foto: Reuters
Shaxtyorskda raketa zarbalaridan keyingi yong‘inni o‘chirish. Otishma tufayli Rossiya yonilg‘i baklarining bir qismi yo‘q qilindi.Foto: Reuters
Shaxtyorsk temiryo‘l stansiyasi Ukraina Qurolli kuchlari tomonidan o‘qqa tutilganidan keyin shunday ko‘rinishda. Okkupatsion hukumat rasmiylarga ko‘ra, hujum oqibatida nafaqat yonilg‘i baklari, balki shaxsiy uylar, shuningdek, avtovokzal binolari ham yonib ketgan. Besh kishi qurbon bo‘lgani aytilmoqda.Foto: “TASS”
Rossiya Qurolli kuchlarining samolyoti Shaxtyorskdagi temiryo‘l uzeli ustidan uchib o‘tmoqda.Foto: Reuters
Ukraina sharqi va janubidagi janglar
Ukrainaning Donetsk viloyati ustida Rossiya harbiy samolyoti zenit-raketalar uchun “issiqlik tuzoqlari”ni hosil qilmoqda.Foto: SOPA Images
Ukrainalik askar (u o‘zini Slavyan deb atashlarini so‘raydi) Zaporojye viloyatidagi front chizig‘i yaqinidagi okopda, u yerda hozir jang ketmoqda. Harbiyning aytishicha, u ilgari Rossiya maxsus xizmatlarida ishlagan, biroq 10 yildan beri Ukrainada yashab, hozir Ukraina tomonida jang qilmoqda.Foto: Getty Images
Ukrainalik yana bir askar Donetsk viloyati Bahmut yaqinidagi frontda rus armiyasi uchun “xabar” yozilgan snaryadni ko‘tarib ketmoqda. Shahar Ukraina nazorati ostida, uning uchun shiddatli janglar ketmoqda. Ukraina mudofaa vaziri o‘rinbosari Anna Malyarning aytishicha, Kreml go‘yoki rossiyalik harbiylarga Bahmutni oktabr oyi oxirigacha to‘liq egallashni buyurgan.Foto: AP Photo
Ukrainalik askar Dmitro Bahmut yaqinidagi frontda minomyotdan o‘t ochishga tayyorlanmoqda.Foto: AP Photo
Bahmut yaqinidagi frontda minomyotdan o‘t ochilmoqda.Foto: AP Photo
Zaporojye viloyatidagi front chizig‘ida askar FH-70 buksirli gaubitsadan o‘t ochish uchun hozirlanmoqda.Foto: Reuters
Ukraina Qurolli kuchlari FH-70 gaubitsasidan o‘t ochishga tayyorlanmoqda.Foto: Reuters
Ukraina janubida ozod qilingan posyolkadagi hayot
Arxangelskoye posyolkasida 56 yoshli Valentina qizining yonib ketgan mashinasi yonida. Aholi punkti rossiyaliklar tomonidan o‘qqa tutilgan. Uzoq vaqt davomida Rossiya armiyasining ilg‘or pozitsiyalari qishloqda joylashgan edi, ammo oktabr oyi boshida Ukraina qishloqni ozod qildi. Current Time nashrining xabar berishicha, Arxangelsoyekda Rossiya ishg‘oli paytida kamida to‘rt nafar tinch aholi halok bo‘lgan.Foto: Anadolu
Yer bilan bitta qilingan ombor yonidan o‘tayotgan aholi vakili.Foto: Anadolu
Ozod qilingan posyolkadagi jangovar harakatlar oqibatida vayron bo‘lgan bino. Urushdan oldin u yerda aholi yashagan.Foto: Anadolu
Kiyevdagi harbiy gospital
34 yoshli Aleksandr Savchenko shifokor qabulida. May oyida Rossiya Donetsk viloyatidagi Ukraina harbiy bazasini o‘qqa tutgan paytda Aleksandr ikki oyog‘idan ayrilgan edi.Foto: Getty Images
Kiyev gospitalining reanimatsiya bo‘limida yotgan ukrainalik harbiy.Foto: Getty Images
Kiyev gospitalidagi bemorlar — 22 yoshli Vladimir (chapda) va 40 yoshli Denis (o‘ngda) balkonda.Foto: Getty Images
Vayron qilingan Mariupol
Mart oyida shiddatli janglar kechgan va oqibatda deyarli butunlay vayron bo‘lgan Mariupol hozir Rossiya nazorati ostida.
Mariupol aholisiga issiq ovqat tarqatilmoqda.Foto: AFP
Shahardagi “Azovstal” zavodi va boshqa binolar vayronalari.Foto: AFP
“Azov” dengizi bo‘yidagi vayron bo‘lgan bino.Foto: AFP
Izoh (0)