26 октябрь куни кечқурун Донецк вилоятининг Россия назоратидаги Шахтёрск шаҳрида портлаш содир бўлган эди — Украина расмийларига кўра, Украина Қуролли кучлари Россия ёнилғиси ва юк вагонлари бўлган нефтбазадаги «фронт эҳтиёжи учун зарур нарсалар»га ҳужум қилган. Ёнғин эртаси куни эрталабгача давом этди, шундан кўп ўтмай, Украина Қуролли кучлари Шахтёрскдаги нефтбазага янги ҳужумларни бошлади. Украина ОАВларининг хабар беришича, Украина «Россия 24» телеканалининг воқеа жойидан узатилган репортажи шарофати билан ўт ўчиш нишонини тўғрилаб, иккинчи аниқроқ зарбани берган — Киев бунга расман изоҳ бермади.
Украина жануби ва шимоли-шарқида ҳам Украина Қуролли кучларининг қарши ҳужуми давом этмоқда. Рамзан Қодиров Херсон вилоятида чеченистонлик 23 нафар аскар ҳалок бўлганини тан олди. Қрим раҳбари Сергей Аксёнов Россия президенти маъмурияти раҳбари ўринбосари Сергей Кириенко билан биргаликда аннексия қилинган Херсонга келди ва «Украина Қуролли кучлари томонидан ўққа тутилаётган ҳудуддан тинч аҳолини «эвакуация қилиш» якунланганини эълон қилди. Россияда уруш даврида буйруқни бажармаслик бўйича биринчи жиноий иш очилди. Meduza урушнинг 246-кунига оид асосий фотосуратлар билан бўлишди.
Донецк яқинидаги Шахтёрскда ёнаётган нефтбаза
27 октябрь куни ўт ўчирувчилар Шахтёрскдаги нефтбазада ёнғинни ўчирмоқда. Икки кун ичида Украина қўшинлари бу ҳудудга икки марта ракета ҳужумини уюштирди. Фото: Reuters
Шахтёрскда ракета зарбаларидан кейинги ёнғинни ўчириш. Отишма туфайли Россия ёнилғи бакларининг бир қисми йўқ қилинди.Фото: Reuters
Шахтёрск темир йўл станцияси Украина Қуролли кучлари томонидан ўққа тутилганидан кейин шундай кўринишда. Оккупацион ҳукумат расмийларга кўра, ҳужум оқибатида нафақат ёнилғи баклари, балки шахсий уйлар, шунингдек, автовокзал бинолари ҳам ёниб кетган. Беш киши қурбон бўлгани айтилмоқда.Фото: «ТАСС»
Россия Қуролли кучларининг самолёти Шахтёрскдаги темир йўл узели устидан учиб ўтмоқда.Фото: Reuters
Украина шарқи ва жанубидаги жанглар
Украинанинг Донецк вилояти устида Россия ҳарбий самолёти зенит-ракеталар учун «иссиқлик тузоқлари»ни ҳосил қилмоқда.Фото: SOPA Images
Украиналик аскар (у ўзини Славян деб аташларини сўрайди) Запорожье вилоятидаги фронт чизиғи яқинидаги окопда, у ерда ҳозир жанг кетмоқда. Ҳарбийнинг айтишича, у илгари Россия махсус хизматларида ишлаган, бироқ 10 йилдан бери Украинада яшаб, ҳозир Украина томонида жанг қилмоқда.Фото: Getty Images
Украиналик яна бир аскар Донецк вилояти Баҳмут яқинидаги фронтда рус армияси учун «хабар» ёзилган снарядни кўтариб кетмоқда. Шаҳар Украина назорати остида, унинг учун шиддатли жанглар кетмоқда. Украина мудофаа вазири ўринбосари Анна Малярнинг айтишича, Кремль гўёки россиялик ҳарбийларга Баҳмутни октябрь ойи охиригача тўлиқ эгаллашни буюрган.Фото: AP Photo
Украиналик аскар Дмитро Баҳмут яқинидаги фронтда миномётдан ўт очишга тайёрланмоқда.Фото: AP Photo
Баҳмут яқинидаги фронтда миномётдан ўт очилмоқда.Фото: AP Photo
Запорожье вилоятидаги фронт чизиғида аскар ФҲ-70 буксирли гаубицадан ўт очиш учун ҳозирланмоқда.Фото: Reuters
Украина Қуролли кучлари ФҲ-70 гаубицасидан ўт очишга тайёрланмоқда.Фото: Reuters
Украина жанубида озод қилинган посёлкадаги ҳаёт
Архангелское посёлкасида 56 ёшли Валентина қизининг ёниб кетган машинаси ёнида. Аҳоли пункти россияликлар томонидан ўққа тутилган. Узоқ вақт давомида Россия армиясининг илғор позициялари қишлоқда жойлашган эди, аммо октябрь ойи бошида Украина қишлоқни озод қилди. Current Time нашрининг хабар беришича, Архангелсоекда Россия ишғоли пайтида камида тўрт нафар тинч аҳоли ҳалок бўлган.Фото: Anadolu
Ер билан битта қилинган омбор ёнидан ўтаётган аҳоли вакили.Фото: Anadolu
Озод қилинган посёлкадаги жанговар ҳаракатлар оқибатида вайрон бўлган бино. Урушдан олдин у ерда аҳоли яшаган.Фото: Anadolu
Киевдаги ҳарбий госпитал
34 ёшли Александр Савченко шифокор қабулида. Май ойида Россия Донецк вилоятидаги Украина ҳарбий базасини ўққа тутган пайтда Александр икки оёғидан айрилган эди.Фото: Getty Images
Изоҳ (0)