Yevropa Markaziy banki asosiy stavkani ketma-ket ikkinchi marta 75 punktga oshirdi

Yevropa Markaziy banki (ECB) bazaviy stavkasini 75 punktga ko‘tarib, yillik 2 foizga yetkazdi. Bu haqda “Kommersant” xabar bermoqda.

Ushbu qadam bilan regulyator ikkinchi marta ketma-ket stavkani oshirdi. Oxirgi marta stavka 8-sentabrda 75 punktga oshirilgan edi.

ECB Boshqaruv kengashi qaror qabul qildi va inflyatsiyani o‘rta muddatli 2 foizga o‘z vaqtida qaytarishni ta’minlash uchun foiz stavkalarining yanada oshirilishini kutmoqda, — deyiladi regulyator veb-saytida.

Asosiy foiz stavkasi 2 foizga yetkazildi, depozitlar bo‘yicha stavka endi 1,50 foizni, ECB’ning qisqa muddatli kreditlari bo‘yicha stavka esa 2,25 foizni tashkil etadi.

Regulyatorning qayd etishicha, inflyatsiya juda yuqoriligicha qolmoqda va uzoq vaqt davomida maqsadli ko‘rsatkichdan yuqori bo‘lib qoladi. Sentabr oyida yevrohududda inflyatsiya 9,9 foizga yetdi.

Avvalroq O‘zbekistonda asosiy stavka yana 15 foiz darajasida o‘zgarishsiz qoldirilgani haqida xabar berilgandi.