Misr Markaziy banki mamlakat milliy valyutasining indeksini ishlab chiqmoqda. Bu orqali u Misr funtining dollarga bog‘lanishidan voz kechmoqchi. Bu haqda “Kommersant” xabar bermoqda.
Markaziy bank rahbari Hasan Abdulloh Misrga taalluqli bo‘lmagan neft qazib oluvchi mamlakatlar valyutasi asosan dollarga bog‘langanligini ta’kidladi. AQSH esa Misrning asosiy hamkori ham emas.
Shuning uchun, dollar kursidan qat’i nazar, biz Misr funti indeksini yaratish ustida ishlay boshladik — unda bir nechta valyutalar, ehtimol, oltin va boshqa metallar hisobga olinadi, — dedi Hasan Abdulloh.
Misr funt sterlingi mart oyidan beri dollarga nisbatan 27 foizdan ko‘proqqa tushdi. Dollar kursi 19,72 funtni tashkil etadi.
Shu bilan birga, Markaziy bank rahbari milliy valyuta turk lirasi, Britaniya funt sterlingi va yevroga nisbatan mustahkamlanganini, biroq “xalq buni ko‘rmayotganini” ta’kidladi.
Misr hukumati iqtisodiyotdagi muammolarni Ukraina atrofidagi inqiroz bilan bog‘lagan edi.
Avvalroq O‘zbekiston va Misr paxtachilik sohasida hamkorlik qilmoqchiligi haqida xabar berilgandi.
Izoh (0)